Populaire Bijbelverzen uit MARKUS 10

Delen

Nasaba' manna Ana' Ma'rupataua tena Nabattu untu' nilayani. Mingka battui untu' allayani, siagang untu' ampassareangi nyawaNa sollanna akkulle Napasalama' tau jaia.”

Nacinikimi Isa ke'nanga nampa appiali Nakana, “Untu' rupataua tena nantama' ri akkala'; mingka untu' Allata'ala tena takkulle anjari.”

Nakanamo Isa, “A'lampamako, nipakabaji' mako ri tappa'nu.” Anjo wattua accini' memammi silalonna anjo tau butaya. Nampa a'lampa amminawang ri Isa.

Iaminjo saba'na, na apa le'baka Napa'jari se're Allata'ala, takkulleai napasisa'la rupataua!”

Nacinikimi Isa anjo taua na Nakamaseang. Nampa Nakana ri ia, “Se'repi nuparalluang. A'lampamako ambalukangi barang-barannu; nampa nupassareang doe'na mae ri tu kasi-asia, nanugappa pa'barang-barangang niaka ri suruga. Le'baki anjo ammotere' mako mae numminawang ri Nakke.”

Akkuta'nammi Isa ri ia Nakana, “Apa nukaeroki Kugaukang ri kau?” Appialimi anjo tau butaya nakana, “O Pa' Guru, erokka' accini'.”

Mingka takkulleako kau appakamma anjo. Passangalinna inai-nai ero' a'jari tau malompo musti a'jari palayangi ri tangnga-tangnganu.

U'rangimi anne! Inai-nai tena na'jari sanrapang anne anaka andallekang ri Allata'ala, takkulleai a'jari umma'Na Allata'ala.”

Mingka jai tu ri dallekang kamma-kamma anne, nala'jari tu ri boko dudu sallang. Siagang jai tu ri boko kamma-kamma anne, nala'jari tu ri dallekang dudu sallang.”

Mingka ri pakkaramulanna, ri wattu Napa'jarina Allata'ala rupataua, nipaui angkanaya, ‘Napa'jari Allata'ala ke'nanga bura'ne siagang baine. Iaminjo saba'na na lanabokoi anrong-manggena tu bura'nea nampa mange anjari se're siagang bainenna, jari anjo rupataua anjari se'remi.’ Jari tenamo narua ke'nanga, passangalinna se're mami.