Populaire Bijbelverzen uit Marku 13

Delen

Mi na vengelwa ngu votshe ngu mhaka ya ditina dangu, aniko awu a timiselako kala magwito, ngene a no hulukiswa.”

Ti woneleni, rinzelani, khongelani, nguko kha mi tizivi taku i nava mbimo muni.

Ngako va txi mi ndinda va txi mi yisa kulamulwani mi nga thukeni mi vilela ngu ti mi no ya ti womba, aniko wombani ati mi no ningwa ka yoneyo mbimo, nguko hi nga anu mi no womba-womba, aniko i Moya wo Sawuleka.”

Nzuma ni mafu si na pinda, kambe mapswi angu kha ma na mbi pinda.”

“Se ngu mhaka ya ditshiku da kona ni txikhati txa kona, awalo asi zivako, hambi tingelozi ta nzumani, hambi ene Mwanana; hahanze ka Tate.

Ngako mi txi pfa tiyimbi ni nduma ya tiyimbi, mi nga thaveni, nguko ati ti fanete kuhumelela. Aniko hi nga ona magwito.

Ngu toneto, ti woneleni, nguko kha mi yi zivi mbimo yi a no wuya ngu yona nyamne wa m'ti, mwendo ni minova, mwendo ni hagari ka wusiku, mwendo mbimo yi wu embako mkuku, mwendo ni mixo. Kasiku, ngako a txi wuya a sa zivisa, asi ta mi mana mi di otete. Ati ni wombako kwanu, ni ti womba ka votshe; ni khani: Wonelelani!”

Nguko ditiko di na wukela ditiko, mfumo wu na wukela mfumo, kutsekatseka ka mafu ku na vaho ka tiphuho to tala, ni tipaya ti na vaho. Eto ngu khata ka kuxaniseka.”

Kambe ti fanete ti to Evhangeli yi txhumayelwa kuthanga ka otshe matiko.

Nguko votala va nata ngu ditina dangu, va txi kha vona: ‘Ani ngani ene.’ Kambe va na timeta va votala.

“Kambe anu ti woneleni, nguko va na mi ningela mabanzani ko lamulwa, ni masinagogani, mi na kwapelwa, mi emiswa masoni ka tinduna ni ka vafumeli ngu mhaka yangu, kasiku mi va tifakazi tangu masoni kwawe.

Nguko ku na humelela Vamesiya va makuhu ni vaprofeti va makuhu; va na maha sidiwukiso ni sixamaliso kasi kupengisa ni va va nga sawulwa, ti txi koteka.

“Ka masikuyo, msana ka kuxaniseka kuleya, ditambo di na maha txidema, mtxima wu na mbi woninga. Tinyeleti ti na wa ngu nzumani, mitamo yi yi ku nzumani yi na tsekatsekiswa.