Populaire Bijbelverzen uit Johani 16

Delen

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Kambe mbimo yi a nota ene wule, i ku Moya wa ditshuri, ngene a nota mi gondisa dotshe ditshuri, nguko kha na mbi ta womba-womba ngu kwakwe, aniko a na womba totshe tiya a no tiengisa; se a na mi gela totshe tiya ti no maheka.

Kala konkuwa, kha mi nzi kukombela txilo ngu ditina dangu. Kombelani, mi na hiwa, kasiku litsako lanu li tatiseka.

Aniko ani na mi gela ditshuri: Ndi nene kwanu ku ani ni tsula, nguko ku nga tiya ni si tsuli, Mthaveleli kha na mbi ta kwanu; ngako ni txi tsula, ni na ya m'rumela kwanu. Sekoko, ene, ngu kuta kwakwe, a nata tumelisa ditiko ngu ka txionho, ni kululama ni kuabanisa.

Ngu toneto, nanu konkuwa ma pfa kupanda timbiluni kwanu, kambe na tshumela ni txi mi wona, se timbilu tanu ti na tala ngu litsako, kambe awalo wu a no mi honyola litsako lanu. Ka donedo ditshiku kha mi na mbi ni wotisa txilo. Ngu ditshuri, ngu ditshuri na mi gela ku khani: Sotshe si mi no si kombela ka Tata ngu ditina dangu, ene a na mi ha.

Ngu ditshuri, ngu ditshuri na mi gela: Mi na dila ni kupandiseka mbilu, kambe vathu va ditiko va na tsaka; se anu mi na xaniseka timbiluni kwanu, kambe kuxaniseka kwanu ku na hinduka ku txi maha litsako.