Populaire Bijbelverzen uit Genesisi 26

Delen

U nga sikota kuaka ka ditiko diya, ani ni na va ni nawe, kambe ni na kukatekisa. Nguko otshe matiko awa ni na kuninga awe ni liveleko lako, ni txi hetisa txixambanyo txi ni nga txi maha ka Abrahamu, tate wako.

Ani ni na maha ti to liveleko lako li txi tala ha mafuni nga tinyeleti ta nzumani, otshe matiko awa ni na ninga vatukulu vako, se ngu mhaka yawe, mifumo yotshe ya ha mafuni yi na katekiswa, nguko Abrahamu a engisile dipswi dangu, kambe a veketile milayo yangu, sirumo sangu, ni sileleto sangu, ni mithetho yangu.”

Ti di ngeto, Isaake a to khukha hale, eya kela tximwani txisima, aha ku nga mbi va ni kuphikizana, se e txi dhana ku i Rehobhoti, a txi khene: “Nguko MKOMA a hi ningile wukhalo wo thandawuka, se hi na velekela ditikoni muwa.”

MKOMA Txizimu a ti wonekisile ka Isaake, a txi m'gela tiya: “U nga relele u txi ya Egipta; zumba ka ditiko di ni no kukomba dona.

Sekoko Isaake a to aka txiluvelo koneho, e dhumisa ditina da MKOMA, a txi zima ditenda dakwe; se sithumi sa Isaake, si to kela txisima kona hale.