Populaire Bijbelverzen uit Genesisi 17

Delen

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, MKOMA a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Kambe khu na mbiswa u txi dhanwa ku u Abramu, aniko ditina dako u na va u di Abrahamu, nguko ani ni na kumaha tate wa matiko o tala.

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

“Ngu didhawa dangu, nditxe txitumelelano txi ni txi mahako ni nawe, u na va tate wa matiko o tala.

Txizimu txi to mxamula txi txi kha tona: “Ahim-him msikati wako Sara ngene a no kuvelekela mwanana wa mfana, se awe u na mraya ditina daku i Isaake, ni na emisa Txitumelelano nayo, atxi txi no va Txitumelelano txo mbi guma, kasiku ni va Txizimu txakwe, ni txa lotshe liveleko lakwe, msana kwakwe.”

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Sekoko Abrahamu a to ti wisa hahatshi ngu mbanza na a txi seka, nguko a txi ti wotisa mbiluni kwakwe, a txi khene: “Ina wamwamna wu a ku ni 100 wa malembe a nga ngadi e veleka mwanana kani? Ni Sara wu a ku ni mtxhanu ni mune wa magumi a malembe, a nga ngadi e veleka mwanana kambe kani?”

Txizimu txi to kha txona kambe ka Abrahamu: “Msikati wako Sarayi, khu na mbiswa u txi m'dhana ku i Sarayi, aniko i nave Sara ditina dakwe.

Mi na yisa wukwerani m'thu, ngu kuwila didhowo da magwito ka nyama yakwe, etxo txi na va txikombiso txa Txitumelelano txangu ni nanu.

Aniko Txitumelelano txangu ni na txi maha ni Isaake, awu a no velekwa ngu Sara dilembe di di tako, ka yona yiya mbimo.

Msana ka mtxhanu wa masiku ni mararu a kuvelekwa, votshe vanana va vafana va na yiswa wukwerani, kukhukhela ka wule a velekwako m'tini kwako, kala ka wule a xawako ngu male ka vamatiko, awule i ku si nga wa lihunzu lako. Va fanete kuyiswa wukwerani avale va nga velekwa nyumbani, ni vale va nga xawa ngu male. Atxiya ngu txona Txitumelelano txangu txo mbi na magwito, ha mmidi kwanu.