Populaire Bijbelverzen uit Ayṯ-Ruma 2

Ay aryaz, iwa min tfekkareḏ? Ma aḏ tnejmeḏ zi lƹiqab n Arebbi wami tƹeyyabeḏ x yina u cek teggeḏ ṯmesȓayin-a kif-kif am niṯni? Niɣ ṯseḥqareḏ lḥanana imɣaren n Arebbi ḏ ṣṣbar nnes ḏ ȓxaḍar iy ɣares? Ma war ṯessineḏ Arebbi s lḥanana nnes irezzu ac d isbeyyen abriḏ bac aḏ tubeḏ?

Iḏen ay aryaz, cek meȓa tƹeyyabeḏ x yiwḏan, ataf war ɣarek bu ȓḥaqq min ma ṯeƹniḏ. Liʼanna xmi tƹeyyabeḏ x can yijjen, tƹeyyabeḏ x yixef nnec, mayemmi? Liʼanna cek teggeḏ kif-kif mammec teggen niṯni!

Liʼanna Arebbi war itegg ca s wuḏemawen.

Liʼanna iwḏan war tmeṣȓiḥen ca ag Arebbi meȓa tṣennaṭen waha i wawaȓ n ccariƹa; Lla, yinni iteggen array s min ḏayes ḏi ccariƹa, ataf ḏ yinni iy itmeṣȓaḥen ag Arebbi.

Ṯumma aḏ ixeǧes Arebbi mkuȓ ijjen x ȓexḏayem nnes.

Walakin aɣarsen yiȓi lḥisab ḏ lƹiqab ɣar yinni iy irezzun i yixef nsen waha ḏ yinni war itṭiƹin ca i lḥaqiqa ḏeffaren min war iǧin ca nican.

Walakin cek s ṯɣennant-a iy ḏayek ḏ wuȓ nnec war ituben ca tesmuniḏ aɣḍab i yixef nnec aȓ Yum Lḥisab ḏ Lƹiqab, nhar iy ḏi d ɣa imeḍhar ȓḥukem n Arebbi s ȓḥaqq.