Populaire Bijbelverzen uit Akisy. 11

Delen

Tolimu Ekapolon tema, “Kiŋolikisi, erae ikes ŋituŋa ŋipei, ka irworosi ikes aŋajep apei, erae na akisyakinet a ŋuna elosete ikes akitiya, nyipiyori tokona ikes ibore daadaŋ ŋini ecamito ikes akitiya. Potu oloto kwap, enyala aŋajep kec, ikotere tojoŋoto apupo make.”

Temasi, “Potu, odukutu etaun yok, odukokisi aduketait ŋina aoyan ŋina edoli aita keŋ nakuj, ikotere ikiruwor iwon ŋulu ikiyenen alotuŋa, ido nyikielar iwon nakwapin daadaŋ.”

Aŋun, aponi tonyarae etaun ŋol Babilon, anerae abu Ekapolon kinyalak aŋajep ŋina sek arae apei anakwap, tojoŋoto ŋituŋa apupo make; tosodi kiela ikes nakiboisyo ŋuna ka akwap a daadaŋ.

Akitodol apaki ŋin, erworosi ŋituŋa a akwap a daadaŋ aŋajep apei ka ŋakiro ŋapei.

Abu Ekapolon bu kwap akiŋolikin etaun ŋol ka aduketait ŋin ŋina potu ŋituŋa ŋul toduko.

Kiela Ekapolon ikes anakibois a ŋin nakwapin daadaŋ, kiteesik ikes akiduk etaun.