Populaire Bijbelverzen uit Marko 6

Delen

I Jov phendiá lénge: “Džán pe bimanušengiro štéto, tuménge trej te javén jekhdžine i te otkhinjon.” Pal-dová, so sys odój but manušá, savé javénas i džánas, lénde na sys až časo te xan.

I Isúso phendiá lénge: “Manušá kutiakirena (patyvakirena) prorokén na pe péskiri phuv, dro péskiro kher i maškír péskire semencende”

Kiéli Isúso vygijá pe brégo i dykhciá but manušén, Jov potangindia len, pal-dová so jone sys syr bakriá bi čhupnariskiro; i Jov jaciá len te sykliakirél.

Na Jov na mogindiá te kerél odój baré dívy pal léngiro napatiaiben, na giny nábut nasvalen, pe savénde Jov čhuvelas upré vastá i vysastiakirdiá len. Jov divindiape doléstyr, so dre lénde nane patiaibén. I Jov jaciá te psirél pir pašatuné gavá te sykliakirél.

Isúso lyjá pandž maré i duj mačhé, ĥazdyjá jakhá pe bolybén i bahtiakirdiá xabén, i phagirdiá laby maró i lyjá te piridel sykliaibnytkonénge i odolé rozdenas manušénge; i roskerdiá Jov duj mačhé pe sarénde. Saré xané i čalyne. I jone skedyné dešudúj korzíny (khudé) marésa i mačhenca koterendyr (kuskendyr), so jačnépe.