Populaire Bijbelverzen uit Iáno 16

Delen

ĥáda, Me phendjom tuménge, sob (kaj) tumé te javén dro ramánjo Mánca. Dro svéto mén'ki tumen užakiréna; ne rikirenpe murškanés: Me zbierdyndjom (pirizorjakirdjom) davá svéto”

Kiéli javéla Jov, čačipnáskiro Dúho (Fáno), tedy sykavéla tuménge čačunó drom dro džiibén; pal-dová so Jov javéla te rakirél na Kokoró Péstyr, ne Jov phenéla tuménge odová, so šunéla, i Jov phenéla, so javéla angíl.

Ke davá časo tumé nisó na mangné Miré lavésa, mangén, i doreséna, sob (kaj) rádyma dro tumaró iló te javél pherdý.

Ne Me, čačes, rakiráva tuménge: fedýr vaš tuménge, sob (kaj) Me te džav; kóli Me na džáva, tedy Obradypnaskiro na javéla ke tumé, ne kóli Me džáva, tedy Me bičhaváva Les ke tumé. I, kiéli Jov javéla, bangiakirela svéto pal grého, i pal čačipén, i pal séndo

Adiáke-pac' i tumé kakaná san smentna; ne Me javáva te dykháv nevéstyr tumen, i iló tumaró javéla pherdó radymása, daja rádyma tuméndyr nikón na otlela. I dro odová dyvés tumé na phučena Mándyr ni pal so. Čačes, čačes Me rakiráva tuménge: pal so tumé te na mangén Dadés Miré lavéstyr, Jov déla tuménge.

Čačes, čačes rakiráva Me tuménge: tumé javéna te rovén i te piridživen, ne svéto javéla te radynélpe; tumé javéna te smentninen (te tuginen), ne tumarí smentnyma jačéla radymása.