Populaire Bijbelverzen uit Suku-saakị 3

Delen

Mie ḅụ ẹrẹḅọ ma sịn mẹ fị ḅụ ḅụụ-ḅẹlẹma wararị ḅara na, ḍiki-tọrụ ḅụ anị pọkọsọlịma la ḅara na ẹrị, anịsakị mịẹtẹ tomḅọ ye-nimi ḅụ mḅọ anị ḅii ḅa, anịtẹso á nwẹnị anị ḅẹ sịnmgbọlụ ọkị fị, tẹ pịkị anị ḅụ kẹlẹ kẹ á di sọ pịrị, tẹ ọ̀ nwẹnị fị.

Mịọkụ piri-ḅio-ḅẹ nama tẹ KỊNỊNYANA-TAMỤNỌ ḅe tẹmẹ-aị ma ḅụ oronwi ḅe ḅụ aka na epele na tẹịnm. Ọ̀ nwẹnị ẹrẹḅọ ma gbela, “Karakara-ḅara-ḅụ, Tamụnọ ori ọ́ ḅẹẹ mịnẹ ḍụọ mẹ ḅio ḅẹ asịn ma ḅẹ gberie ḅụ sọ ó ye fị ma?”

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

Tamụnọ nwẹnị ẹrẹḅọ ma ḅẹẹ, “À mịẹtẹ ị́ ḅụụ-fụka gburo-gburo ḅa fura ḅụ; akụ ḅụ ị́ awọ iyi ḅa, anịsọ ị́ í di ẹrị gotẹ ḅio-sẹsẹ nyana ḅa anịsakị ọ̀ ḅẹrẹtọn ị́ pịrị ḅa.”

Ị́ kụrọma kọrịnama kọrị tẹ ị́ tọrụkuḅu imo sụa tẹrẹmẹ í fịye nyana tẹ fị ḅa, nwenii ị́ pịkịma kiri mẹ mu ḅa, gbala anị ḅụ mie í ḅo ye; ị́yẹrị anie fọọn, anịsakị fọọn mie ị́ pịkị pịkịma mu ḅarị ye.”

Anịsakị ori owiḅọ ḅe ḅẹẹm, “Ị́ ị́ ta ma ḅịḅị poki tẹ sịn mẹ tẹ à tọn ị́ pịrịm fị ma nwẹn ḅẹẹ sịn mẹ ḅẹ ye fịm ẹrẹsị, í gotẹ kiri mẹ wori tẹẹ; í ḍumo-ene mamgba ḅụ ị́ lịlị tẹrẹmẹ ị́ anị ḅụ paka-ḅo ye fị ḅa.

Tamụnọ nwẹnị gbela, “Tụḅọ ḍuko ị́ pịrị mịnẹ ị́ paụ wararị? À tọn ị́ pịrịm fị ma nwẹn ḅẹẹ sịn mẹ ḅẹ sịnmgbọlụ ị́ fị tẹ?”

Ò tomi ma dee pakama tẹ ịn kẹ Sẹrubimu sịn enjẹlị ḅe na, kọrịarị okologie tẹ pịkị, pịkị pakịrị goyegoye daarị ye na kẹ Ideni ḅẹ ḍụọ mẹ ḅẹ ịrụa-saakịarị-anga anga mẹ ḅụ koromam, mịẹtẹ ọ̀ ḅọrọ mu ḍumo pịrị sịn mẹ laarị etela mẹ ḍikiḍiki ḅẹ ḅara.

Adamụ nwẹnị ọ̀ ta ma sịn Ivu, gbala arị anie tomi mamgba iyingiḅọ ẹrẹsị.