Populaire Bijbelverzen uit Suku-saakị 28

Delen

Ḍikii, arị ị́ na emii, tẹ í mu anga, mu anga ḅụ ị́ wẹrị kpaịnma ḅa, tẹ pịkị ị́ kẹ mị ama mẹ ḅo ḅa; kẹ gotẹ ọkọ ḅẹẹarị, arị ị́ koroma-so ḅịa nwenii arị aniemẹ tẹ à ḍuko ị́ pịrị tẹ ye mẹ mịẹ ḅa.”

KỊNỊNYANAḄỌ ḅe anị ọgọnọ-jụ akaka ḅụ sịẹsime tẹ nwẹnị ḅẹẹ, “Yẹrị anie KỊNỊNYANAḄỌ ḅee, ị́ aḍapụ Ebira-amụ na Ayịzịkị na sịḅị-tuu pịrị Tamụnọ ḅe; kiri mẹ tẹ ị́ ḅọlọlọ simearị anga mẹ à kẹ ị́yẹrị na, ị́ furo-ḅẹ-apụ na pịrị ḅa

Anịtẹso Jekọbụ nwẹnị ọ̀ kọn-arị mono mẹ ḅụ naa-saakị tẹ ḅẹẹ, “Tụkụma ḅara ḅụ KỊNỊNYANAḄỌ ḅe mịanga ḅụ ori emi, tẹ arị anị nimi-a.”

Anịtẹso Jekọbụ nwẹnị ịlọ minini, tẹ ḅẹẹm, “Tamụnọ nwẹnị ị̀ na sime, tẹ mị etela mẹ tẹ à mẹnjịarị ye mẹ ḅụ ị̀ wẹrị kpaịnma, tẹ fịye kẹ ị̀ pịrị fị, pịkị kapa kẹ ị̀ pịrị sụa, tẹ mịẹtẹ dein ḅụ à pịkị pịkịma ị̀ ḍa warị ḅom ḅẹḅẹ, anịrẹ KỊNỊNYANAḄỌ ḅe ị̀ Tamụnọ sọ ḅa; anịsakị mị ḍụḅarị mẹ tẹ à saakị ogbo da ḅeriye ḅara sịẹma ye mẹ, Tamụnọ warị sọ ḅa, tẹ ḅẹẹye-ḅẹẹye tẹ ị́ kẹ ị̀ pịrị ḅarị aị mamgba à kẹ oyia akiri ḍiya ḅa tẹ gbọrụ kiri kẹ ị́ pịrị ḅa.”

anịsakị í furo-ḅẹ-apụ kiri-ḅio ḅẹ fọọn mẹ ḅin ḅara ḅin ḅa, tẹ í wasama mu ịrụa-ideriarị-anga mẹ na, ịrụa-saakịarị-anga mẹ na, ọgọnọ-jụ mẹ na, suku-jụ mẹ na ḅụ sara ḅa; anịsakị ị́ ḅụụ ḅụ mie tomikiri mẹ ḅẹ afuro mamgba boma nyana ḅarị ye.

Ọ̀ nwẹnị ẹrẹ kẹ anịjụ mẹ sịn Bẹtẹlị; kụma tarị-pịrịpịrị-ḅụ ịn kẹ anịjụ sime opu ama mẹ sịn ẹrẹ Luzu.