Populaire Bijbelverzen uit Mencrer Xà 73

Delen

Quê icapẽnti xà ita ihtỳj ipê hamre, quê ha ijĩ cunea ihtỳj ipê hà, ne apê ri imã ijĩ to ihtỳj catê. Ne apêa ri côjkwa kam imã, ite amji kam ijapac xà to impej, ne to hakràj catê rohnỳtti mã.

Ne wa pa ate amji cahi na ito apijapar ita na ite amji cajpẽr, ne ahna imã impeaj to impej. Ỹhỹ me ikwỳ, Pahpãm pê ri me pantête hàmtàr catê, cwỳrjapê wa mehcunea mã, cute imã ampo ton itajê cunea na, harẽn to ipa.

Cakrô ca atỳj icahi na apa, ne awpôc rũm ate ipa na ijuwahi tu, na wa ha nee ikên mã ipỳm nare. Ne ikĩnte nee ate mehkrã kên atajê juwahi nare. Na ca ha ate amji jahkre pejti ita to ijapackre to mõ, ite amji kam ijapac xà itajê cunea kam. Jirô pê mã, ca ha ma amji wỳr ijaprô, ne côjkwa kam, amji jĩkjê rũm ijỹr. Quê ha mehcunea acahê na me ipupu.