Populaire Bijbelverzen uit Mencrer Xà 37

Delen

Ca ha Pahhiti cukwa kam, me amã amji kĩnti kam me apa na, quê ha ihtỳj me amã, ate amji mã me ampo na prãmti xà atajê cunea gõ.

Ne ca ha Pahhiti mã me ate amji kam me gapac xà cunea gõ, mãr quê taa, ate amji kam me gapac xà to ihhimpej. Ne ca ha ate amji mã me to ahimpej to me apa na, quê ha me ato impejti to hane he.

Na ca ha aracri, amji mã me aprĩa kam, me Pahhiti te me atehcajpar xà na me hikaj. Ne quê mehkrã kên catêjê hãn ne me ampo kên ton to me ipa xà ata kôt, amji to me cati to me ipa, ca ha nee me hũ na ame akrihkrit to me apa nare.

Ca ha côjkwa kam me Pahhiti pê Pahpãm to amji mã me ahimpej, ne me ampo pej pit ton to me apa. Mã cute me amã pjê jõr, ca kam me akrĩ, mã kam me atête ampo kên pê amtà. Ne ca ha hàmtàr xà ata kĩan kam, kam me akrĩ.

Ne quê ha Pahhiti pry kam jũm mẽ ata, quê ha catyt kam pry ata kôt ipa, quê ha jũm ata mã cute amji kam hapac xà kĩn hyre nare. Ne Pahhiti me hũhkra na cucwa ita kam, quê ha me ajhu, ne nee me ipihur tu nare.

Pom quê pyt hapôj mã mehcunea me hàhcujro pupu, ita jĩkjê na, quê ha Pahhiti mehcunea te me apupun na me to, mãr quê cutea me ana amji caxàr na me gahkre pej. Ne me pahkrã jimoc kam pyt ihkrĩ, mã me ihprà pupu, ita jĩkjê na, quê ha Pahhiti ihtỳj mehcunea te catyt kam me apa na, cute me gahkre pej na me to, quê ha me gahkre pej.

Ne nee ca ame kam acryc, ne me kam acàcàc nare. Ne nee ame hũ na ame akrihkrit nare. Ampo na? Ca ha ate, cute me ampo kên ton ata kam akrihkrit na, quê ha ihtỳj ate ampo kên ton wỳr ato mõ.

Pê wa ituwre na, Pahhiti te jũmjê pejti te catyt kam me ipa atajê mã hikran na me hõmpun nare, ne ahnaa ramã iwej. Ne nee hanea ne, rỳ ite mehkra nõ te apu hõ na hàhwỳr to mõr na hõmpun nare.

Ỹhỹ me ikwỳ, nee ca mehkrã kên catêjê jũ na ame akrihkrit to me apa nare. Ne nee ame hũ na cute mehkên ton atajê kĩn nare.