1
Mencrer Xà 32:8
Bíblia Sagrada en Canela
ram
Ỹhỹ me ikwỳ, Pahpãm te me pamã amji jarẽn to: “Wa ha jũ ri me amõr xà ata jõ pry to me amã hahkre, ca ha ihkôt me mõ. Wa ha pa me gapackre, ne me gamãr to mõ.
Vergelijk
Ontdek Mencrer Xà 32:8
2
Mencrer Xà 32:7
He apêa ri ito apimxur catê. Ca ampo kên atajê cunea pê ito amxu ne itête amtà. Wa ate itête me cupê gàmtàr xà ita pyrên ijakry to kỳj cati pêa mã, amã cre.
Ontdek Mencrer Xà 32:7
3
Mencrer Xà 32:5
Jicu xà kam, pê wa amji mã: “Wa ha Pahpãm mã ite to kên na amji jarẽ” hane. Pê wa amã ikên xà cunea na amji jarẽ. Ne nee pê wa ite ampo kên ton xà atajê nõ to apê ipimxur nare. Ne ite amã ihcunea to icakôc xà ata kam, pê ca ampo to ite ato kên atajê cunea to tojnõ, ne hicu.
Ontdek Mencrer Xà 32:5
4
Mencrer Xà 32:1
Ỹhỹ me ikwỳ! Ampo pyrên cu ha ame pajakry? He Pahpãm te me pamã, por pahte harkwa jirô pê me pahpỳm, ne ihkaj na me pahkên xà ton atajê jicu, ne to tojnõ ne ihhur ata pyrên, cu ha ame pajakry.
Ontdek Mencrer Xà 32:1
5
Mencrer Xà 32:2
Por Pahpãm te ampo kên ton atajê na me pajarẽn kên nare atajê pyrên, cu ha ame pajakry. Por me pahcaxwãm pê me pahte amji kam me pajapac xà hêj xi nare atajê pyrên, cu ha ame pajakry.
Ontdek Mencrer Xà 32:2
6
Mencrer Xà 32:6
Ne por mehcunea mã akĩn, mã amji mã me ato ihhimpej atajê te ri, ihtỳj me amã amji cajrẽn to ipa xà. Mãr quê jũ caxuw me hỹrmã ampo kên catia te cator xà ata kam, nee cute me amã amji cajrẽn catêjê wỳr cator nare.
Ontdek Mencrer Xà 32:6
Thuisscherm
Bijbel
Leesplannen
Video's