Populaire Bijbelverzen uit Mencrer Xà 145

Delen

Ne por amji tehcajpar xà na ampeaj kam me cuwỳ atajê cahi na ipa, cute mehtehcajpar prãmte.

Ỹhỹ me ikwỳ, Pahhiti pê jũm peaj to impej ata. Ne nee cupê ampo kam incryc kam imprar pyrentu catê nare. Ne cumã me pahkĩan to me pahkĩn, mã ihtỳj me pahcaprĩ. Ne hãn ne hõtpê pahte me pahkên ton jicu jirô pê mã, ihtỳj me pahkên to tojnõ, ne hicu.

Ne mehcunea mã impeaj to impej. Ne cumã cute ampo cunea ton itajê caprĩ xà.

Ijõ Pahhiti, ampeaj kam acati! Na wa ite amã acatihti to icakôc xà ata na amã ihkên nare, ne quêt acajpuaw. Ne jũ wỳr wa me inõ amji mã hamã ne acatihti ita na gahkre pej.

Ne ate me ito ahimpej xà ita jamre xà hamreare. Ne apê Pahhi pê Pahhiti rohnỳtti mã. Ỹhỹ me ikwỳ, Pahpãm hãn ne ampo to awjahkre, ne ihtỳj hõtpê harkwa ata to amji japackrea rũm ihkrĩ. Ne cute ampo ton xà atajê cunea kam, cumã me pahkĩn pit.