Populaire Bijbelverzen uit ရိမ့ၤ 10

Delen

နမ့ၢ်အၢၣ်လီၤလၢနထးခိၣ်လၢယ့ၣ်ၡူးမ့ၢ်ကစၢ်လီၤ, ဒီးနမ့ၢ်နာ်လၢနသးကံၢ်ပူၤလၢကစၢ်ယွၤဒုးဂဲၤဆၢထၢၣ်က့ၤအီၤ လၢတၢ်သံန့ၣ်ဒီး, နကဘၣ်တၢ်အုၣ်က့ၤခီၣ်က့ၤနၤလီၤ.

အဂ့ၢ်ဒ်လဲၣ်န့ၣ်, ခီဖျိပနာ်တၢ်လၢပသးကံၢ်ပူၤန့ၣ်ပဘၣ်တၢ်ပာ် တီပာ်လိၤပှၤဒီးကစၢ်ယွၤ, ဒီးခီဖျိပအၢၣ်လီၤလၢပထးခိၣ်န့ၣ်ပတုၤလၢတၢ်အုၣ်က့ၤခီၣ်က့ၤပှၤ န့ၣ်လီၤ.

သတးဒီး, တၢ်စူၢ်တၢ်နာ်အိၣ်ထီၣ်ဝဲလၢတၢ်နၢ်ဟူဘၣ်တၢ် ကစီၣ်အဃိ, ဒီးတၢ်ကစီၣ်အံၤဟဲခီဖျိတၢ်စံၣ်တဲၤတဲလီၤခရံာ် န့ၣ်လီၤ.

တၢ်ကွဲးအသးစီဆှံစံးဝဲ, “ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်အသးတဟးဂီၤဘၣ်ဝဲဘၣ်” (ၡါ ၂၈:၁၆). တၢ်အံၤဘၣ်ဃးဒီးပှၤကိးဂၤဒဲး, မ့ၢ်လၢတၢ်လီၤဆီတအိၣ် လၢပှၤယူဒၤဖိဒီးပှၤကလုာ်ဂၤတဖၣ်အဘၢၣ်စၢၤဘၣ်အဃိလီၤ. ကစၢ်ယွၤမ့ၢ်ကစၢ်တဂၤဃီလၢပှၤခဲလၢာ်အဂီၢ်ဒီးပှၤလၢအကိး ထီၣ်အီၤန့ၣ် ဆိၣ်ဂ့ၤဝဲထူးထူးတီၤတီၤခဲလၢာ်လီၤ. ဒ်တၢ်ကွဲးအသးစီဆှံစံးဝဲအသိး, “ကယဲၢ်ပှၤလၢအကိးထီၣ် ကစၢ်အမံၤန့ၣ်, ကတုၤလၢတၢ်အုၣ်က့ၤခီၣ်က့ၤအီၤလီၤ” (အ့ ၂:၃၂).

ဒီးပှၤစိာ်တၢ်ကစီၣ်တဖၣ်မ့ၢ်တဘၣ်တၢ်မၢလီၤအီၤဘၣ်ဒီး, တၢ်ကစီၣ်ဘၣ်တၢ်စံၣ်တဲၤတဲလီၤအီၤကသ့ဒ်လဲၣ်. ဒ်တၢ်ကွဲးအသးစီဆှံစံးဝဲအသိး, “ပှၤလၢအစံၣ်တဲၤတဲလီၤတၢ်သးခုအကစီၣ်တဖၣ် အတၢ်ဟဲမ့ၢ်တၢ်လၢအဂ့ၤဆံးဒိၣ်လဲၣ်” (ၡါ ၅၂:၇)

ဘၣ်ဆၣ်ဒီးအဝဲသ့ၣ်မ့ၢ်တနာ်တၢ်ဘၣ်ဒီးကိးထီၣ်အီၤ ကသ့ဒ်လဲၣ်. ဒီးအဝဲဒၣ်မ့ၢ်တနၢ်ဟူဘၣ်တၢ်ကစီၣ်ဘၣ်ဒီး, နာ်တၢ်ကသ့ဒ်လဲၣ်. ဒီးတၢ်ကစီၣ်မ့ၢ်တဘၣ်တၢ်စံၣ်တဲၤတဲ လီၤအီၤဘၣ်ဒီး, နၢ်ဟူတၢ်ကသ့ဒ်လဲၣ်.

အဂ့ၢ်ဒ်လဲၣ်န့ၣ်, ခရံာ်ဒုးကတၢၢ်ကွံာ်တၢ်သိၣ်တၢ်သီဒ်သိးပှၤတဂၤ လၢ်လၢ်လၢအအိၣ်ဒီးတၢ်စူၢ်တၢ်နာ်န့ၣ်ကဘၣ်တၢ်ပာ်တီပာ်လိၤအီၤ အဂီၢ်လီၤ.