Populaire Bijbelverzen uit လံာ်လူၤကၣ် 4

Delen

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်, ဒီးဒ်သိးယကဘိးဘၣ်သ့ၣ်ညါဘၣ်ဃးနံၣ်တနံၣ် ဖဲကစၢ်ကအုၣ်က့ၤခီၣ်က့ၤအပှၤဂီၢ်မုၢ်န့ၣ်လီၤ.”

ယ့ၣ်ၡူးစံးဆၢဝဲ, “တၢ်ကွဲးအသးစံးဒ်အံၤ, ‘ဘူၣ်ထီၣ်ဘါထီၣ်ထဲယွၤနကစၢ်ယွၤဒီး မၤထဲအဝဲဒၣ်တဂၤဧိၤအတၢ်မၤတက့ၢ်.’ ”

ယ့ၣ်ၡူးစံးဆၢတၢ်ဒီးစံးဝဲ, “တၢ်ကွဲးအသးစံးဝဲ, ‘ပှၤကညီမူဝဲထဲလၢကိၣ်တမံၤဧိၤတသ့ဘၣ်.’ ”

ယ့ၣ်ၡူးလၢပှဲၤဝဲဒီးသးစီဆှံဖဲအဝဲဒၣ်ဟဲက့ၤလၢထံကျိယၢ်ဒ့ၣ်, ဒီးဘၣ်တၢ်ဆှၢအီၤလၢယွၤအသးန့ၣ်ဆူပှၢ်မုၢ်ကနၢ

ယ့ၣ်ၡူးစံးဆၢအီၤ, “တၢ်ကွဲးအသးစံးဝဲ, ‘တဘၣ်လ့ပစီယွၤနကစၢ်ယွၤန့ၣ်တဂ့ၤ.’ ”

ဖဲမုၣ်ကီၤလံၢ်လ့ပစီယ့ၣ်ၡူးလၢကျဲကိးဘိဒဲးဝံၤဝဲန့ၣ်, အဝဲဒၣ်ဟးဖးဒီးအီၤတစိၢ်တလီၢ်လီၤ.

တုၤနုၤတစုမုၣ်ကီၤလံၢ်ဆှၢထီၣ်အီၤဆူတၢ်လီၢ်ထီၣ်ထီတတီၤ, ဒီးလၢတဖျးမဲာ်အတီၢ်ပူၤဒုးနဲၣ်အီၤဟီၣ်ခိၣ်အဘီအမုၢ်ခဲလၢာ်ခဲဆ့လီၤ. မုၣ်ကီၤလံၢ်စံးဘၣ်အီၤ, “ယကဟ့ၣ်နၤတၢ်စိတၢ်ကမီၤအဝဲ အံၤခဲလၢာ်, ဒီးတၢ်ထူးတၢ်တီၤအဝဲအံၤခဲလၢာ်လီၤ. အဝဲအံၤဘၣ်တၢ်ဟ့ၣ်လီၤတ့ၢ်အီၤလၢယစုပူၤခဲလၢာ်, ဒီးယဟ့ၣ်လီၤအီၤဆူပှၤတဂၤဂ့ၤတဂၤဂ့ၤလၢယဃုထၢယဲန့ၣ်သ့ဝဲလီၤ. နမ့ၢ်ဘူၣ်ထီၣ်ဘါထီၣ်ယၤဒီး, တၢ်အံၤခဲလၢာ်ကမ့ၢ်နတၢ်လီၤ.” ယ့ၣ်ၡူးစံးဆၢဝဲ, “တၢ်ကွဲးအသးစံးဒ်အံၤ, ‘ဘူၣ်ထီၣ်ဘါထီၣ်ထဲယွၤနကစၢ်ယွၤဒီး မၤထဲအဝဲဒၣ်တဂၤဧိၤအတၢ်မၤတက့ၢ်.’ ”

အန့ၣ်ဝံၤအလီၢ်ခံ, မုၣ်ကီၤလံၢ်ဆှၢအီၤဆူယရူၤၡလ့ၣ်, ဒီးပာ်ထီၣ်အီၤလၢတၢ်လုၢ်ဟံၣ်အတၢ်လီၢ် အထီကတၢၢ်တတီၤဒီးစံးဘၣ်အီၤ, “နမ့မ့ၢ်ကစၢ်ယွၤအဖိခွါန့ၣ်, တ့ၢ်လီၤနသးလၢတၢ်လီၢ်တတီၤအံၤတက့ၢ်. အဂ့ၢ်ဒ်အံၤ, တၢ်ကွဲးအသးစံးဝဲ, ‘ကစၢ်ယွၤကခါလီၤအကလုၢ်ဆူအကလူးတဖၣ်အအိၣ် ဒ်သိးအကအံးထွဲကွၢ်ထွဲနၤဂ့ၤဂ့ၤလီၤ.’ စံးစ့ၢ်ကီးဝဲဒ်အံၤ, ‘အဝဲသ့ၣ်ကစိာ်ထီၣ်နၤလၢအစုဒ်သိး နခီၣ်တဖၣ်ဒၣ်လဲာ်အသုတဘၣ်ဒိလၢလၢၢ်တဂ့ၤအဂီၢ်လီၤ.’ ” ယ့ၣ်ၡူးစံးဆၢအီၤ, “တၢ်ကွဲးအသးစံးဝဲ, ‘တဘၣ်လ့ပစီယွၤနကစၢ်ယွၤန့ၣ်တဂ့ၤ.’ ”