Populaire Bijbelverzen uit လံာ်လူၤကၣ် 17

Delen

ဒီးယ့ၣ်ၡူးစံးဘၣ်အီၤ, “ဂဲၤဆၢထၢၣ်ဒီးဟးထီၣ်တက့ၢ်. နတၢ်စူၢ်တၢ်နာ်ဒုးအိၣ်ဆူၣ်အိၣ်ချ့ထီၣ်က့ၤနၤလံ.”

အဝဲဒၣ်မ့ၢ်မၤကမၣ်နၤနွံဘျီလၢတနံၤအတီၢ်ပူၤ, ဒီးတဘျီဘၣ်တဘျီဖဲအဟဲဒီးစံး, ‘ယပီၢ်ယၢ်လီၤက့ၤယသးလံ’ န့ၣ်, နကဘၣ်ပျၢ်အတၢ်ကမၣ်လီၤ.”

အဝဲသ့ၣ်အကျါတဂၤဖဲအထံၣ်ဘၣ်ဝဲလၢအဘၣ်တၢ်မၤဘျါအီၤလံန့ၣ်, ဟဲက့ၤကဒါက့ၤဒီးစံးထီၣ်ပတြၢၤကစၢ်ယွၤလၢအကလုၢ်ဖးဒိၣ်လီၤ. အဝဲဒၣ်ထိၣ်လီၤပှီၤအသးလၢဟီၣ်ခိၣ်လိၤဖဲယ့ၣ်ၡူးအခီၣ်ထံး ဒီးစံးဘျုးစံးဖှိၣ်အီၤလီၤ. ပှၤတဂၤအံၤန့ၣ်မ့ၢ်ဝဲပှၤၡၤမရံဖိတဂၤလီၤ.

လၢတၢ်န့ၣ်အဃိပလီၢ်သုသးတက့ၢ်. နဒီပုၢ်ဝဲၢ်မ့ၢ်မၤကမၣ်တၢ်န့ၣ်, သိၣ်ဃီၣ်အီၤ, ဒီးအဝဲဒၣ်မ့ၢ်ပီၢ်ယၢ်လီၤက့ၤအသးန့ၣ်, ပျၢ်အတၢ်ကမၣ်တက့ၢ်.

ယ့ၣ်ၡူးကတိၤတၢ်ဒီးစံးဝဲ, “ပှၤလၢအဘၣ်တၢ်မၤကဆှီထီၣ်က့ၤအီၤ အိၣ်ဝဲအဂၤတဆံလီၤ. အဂၤခွံဂၤအိၣ်ဖဲလဲၣ်.

ကစၢ်စံးဆၢအီၤ “သုတၢ်နာ်မ့ၢ်အိၣ်ထဲသိးဒီးသဘၣ်ချံတဖျၢၣ်န့ၣ် သုမ့ၢ်စံးဘၣ်ဝံာ်တထူၣ်အံၤ, ‘ထဲးထီၣ်ကွံာ်နသးလၢနဂံၢ်နဂဲၤတဖၣ်, ဒီးသူၣ်လီၤနသးလၢပီၣ်လဲၣ်အပူၤတက့ၢ်’ န့ၣ်ဒီးအဝဲဒၣ်ကစူၢ်သုကလုၢ်လီၤ.

ပှၤတဂၤလၢ်လၢ်လၢအဂုာ်ကျဲးစၢးအုၣ်က့ၤခီၣ်က့ၤအသးဒၣ်ဝဲန့ၣ်, ကဒုးလီၤမၢ်ကွံာ်အီၤ, ပှၤတဂၤလၢ်လၢ်လၢအဒုးလီၤမၢ်ကွံာ်အသးန့ၣ်, ကအုၣ်က့ၤခီၣ်က့ၤအီၤလီၤ.

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “တၢ်သ့ၣ်တဖၣ်လၢအဒုးလီၤနုာ်ပှၤကညီဆူတၢ်ဒဲးဘးအပူၤန့ၣ် ကမၤအသးလီၤ. ဘၣ်ဆၣ်ဒီးပှၤတဂၤလၢအဒုးအိၣ်ထီၣ်တၢ်သ့ၣ် တဖၣ်န့ၣ်, ဘၣ်အဖှီၣ်ဆံးဒိၣ်လဲၣ်. ဆၢၣ်ဂူာ်လၢၢ်မ့ၢ်ဘၣ်တၢ်စၢဃာ်အီၤလၢအကိာ်လိၤဒီး တၢ်တ့ၢ်လီၤအီၤဆူပီၣ်လဲၣ်ပူၤန့ၣ်, ကဂ့ၤဒိၣ်န့ၢ်ဒံးအဝဲဒၣ်ကဒုးမၤပှၤအဆံးတဖၣ်အံၤအကျါတဂၤလၢ တၢ်ဒဲးဘးန့ၣ်တက့ၢ်လီၤ.

ဒ်တၢ်မၤအသးဖဲစီၤနိအၤအဆၢကတီၢ်အသိးန့ၣ်, တၢ်ကမၤအသးဒ်န့ၣ်အသိးဖဲပှၤကညီဖိခွါအမုၢ်နံၤမုၢ်သီတဖၣ်န့ၣ်လီၤ. ပှၤအီၣ်တၢ်ဒီးအီတၢ်, န့ၢ်မါန့ၢ်ဝၤတုၤလီၤမုၢ်တနံၤဖဲစီၤနိအၤလဲၤနုာ်လၢ ကဘီပူၤ, ဒီးထံဒိၣ်ထီၣ် ဒီးပှၤအိၣ်လၢခိတဖၣ်သံကွံာ်ဝဲဒၣ်ကိးဂၤ ဒဲးလီၤ.