Populaire Bijbelverzen uit လံာ်ယိၤဟၣ် 16

Delen

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

မ့မ့ၢ်, ဖဲယွၤအသးလၢအလီၣ်ဖျါထီၣ်တၢ်မ့ၢ်တၢ်တီ ဘၣ်ဃးဒီးကစၢ်ယွၤန့ၣ်ဟဲဝဲဒီး, အဝဲကဒုးထံၣ်သ့ၣ်ညါသုလၢတၢ်မ့ၢ်တၢ်တီခဲလၢာ်န့ၣ်လီၤ. အဝဲတကတိၤတၢ်ဖဲအသးဒၣ်ဝဲဘၣ်. မ့မ့ၢ် အဝဲကစံးဘၣ်တဲဘၣ်သုတၢ်လၢအဝဲနၢ်ဟူဝဲဒီး ကစံးဘၣ်တဲဘၣ်သုတၢ်လၢအကမၤအသးတဖၣ်န့ၣ်လီၤ.

တုၤအခဲအံၤန့ၣ်, သုတဃ့တၢ်နီတမံၤလၢယမံၤဒံးဘၣ်. ဃ့တၢ်တက့ၢ်. ဒီးသုကန့ၢ်ဘၣ်တၢ်, ဒ်သိးသုတၢ်သူၣ်ခုသးခုကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

နာ်သက့ယစံးဘၣ်တဲဘၣ်သုတၢ်မ့ၢ်တၢ်တီ, ယလဲၤတၢ်အဝဲအံၤန့ၣ်မ့ၢ်တၢ်ဂ့ၤဒၣ်တၢ်တက့ၢ်လၢသုဂီၢ်န့ၣ်လီၤ. အဂ့ၢ်ဒ်အံၤ, ယမ့ၢ်တလဲၤဘၣ်ဒီးပှၤမၤစၢၤတၢ်တဂၤတဟဲ ဆူသုအိၣ်ဘၣ်. ဘၣ်ဆၣ်ယမ့ၢ်လဲၤဒီး, ယကမၢလီၤအီၤဆူ သုအိၣ်န့ၣ်လီၤ. ဒီးတုၤအဟဲဝဲဒီး, အဝဲကဒုးနဲၣ်ဖျါထီၣ်န့ၢ်ပှၤဟီၣ်ခိၣ်ဖိတဖၣ် လၢအဝဲသ့ၣ်အတၢ်ဆိကမိၣ်ကမၣ်တၢ်ဘၣ်ဃးတၢ်ဒဲးဘး အဂ့ၢ်, တၢ်လၢအမ့ၢ်အတီအဂ့ၢ်, ဒီးကစၢ်ယွၤအတၢ်စံၣ်ညီၣ် အဂ့ၢ်တဖၣ်န့ၣ်လီၤ.

သုတၢ်လဲၤခီဖျိမ့ၢ်တၢ်ဒ်သိးအံၤစ့ၢ်ကီးန့ၣ်လီၤ. အခဲအံၤသုသူၣ် အုးသးအုး, ဘၣ်ဆၣ်ယကထံၣ်ကဒီးသု, ဒီးသုသးတဖၣ်ကပှဲၤဒီးတၢ်သူၣ်ခုသးခု, တၢ်သူၣ်ခုသးခု တကလုာ်လၢပှၤဟံးထီၣ်ကွံာ်လၢသုအိၣ်တသ့နီတဂၤဘၣ် န့ၣ်လီၤ. တုၤမုၢ်နံၤအဝဲန့ၣ်ဟဲတုၤဒီး, သုတသံကွၢ်ယၤလၢတၢ်နီတမံၤ လၢၤဘၣ်. ယစံးဘၣ်တဲဘၣ်သုတၢ်မ့ၢ်တၢ်တီ, ပၢ်ကဟ့ၣ်လီၤသုတၢ်တမံၤဂ့ၤတမံၤဂ့ၤလၢသုဃ့အီၤလၢ ယမံၤန့ၣ်လီၤ.

ယစံးဘၣ်တဲဘၣ်သုတၢ်မ့ၢ်တၢ်တီ, သုကဟီၣ်သုကယၢၤဘၣ်ဆၣ်ဒီး ဟီၣ်ခိၣ်ကသးခုလီၤ. သုကသူၣ်အုးသးအုးဘၣ်ဆၣ်ဒီး သုတၢ်သူၣ်အုးသးအုးန့ၣ်, ကကဲထီၣ်ကဒါက့ၤလၢ တၢ်သူၣ်ခုသးခု န့ၣ်လီၤ.