Populaire Bijbelverzen uit လံာ်နီၢ်အ့ၤစတၢ် 6

ဖဲမုၢ်တနၤဃီန့ၣ်, စီၤပၤမံတန့ၢ်ဘၣ်အဃိ, အဝဲမၤလိာ်ဝဲလၢပှၤကဟဲစိာ်န့ၢ်အီၤဘီမုၢ်အတၢ်ကွဲးနီၣ် တဖၣ်ဒီးဖးန့ၢ်အီၤန့ၣ်လီၤ. တၢ်လၢအဝဲသ့ၣ်ဖးဝဲန့ၣ်အိၣ်ဃုာ်ဒီးတၢ်ဂ့ၢ်လၢ အဘၣ်ထွဲဒီးစီၤမၢ်ဒကဲၤထံၣ်န့ၢ်တၢ်ကူၣ်ခူသူၣ်တမံၤလၢတၢ် ကမၤသံစီၤပၤအဂ့ၢ်, တၢ်ကူၣ်တမံၤလၢပှၤဒ့ဒံၣ်ဖိလၢအပၢၤစီၤပၤအဒၢးခံဂၤလၢ အမ့ၢ်စီၤဘံးကသၤနၤဒီးစီၤတ့ရ့ၣ်တဖၣ်မၤဝဲန့ၣ်လီၤ.

အန့ၣ်ဒီးစီၤဟၤမၣ်ဟဲနုာ်ဝဲ, ဒီးစီၤပၤစံးဘၣ်အီၤ, “ပှၤအိၣ်ဝဲတဂၤလၢယအဲၣ်ဒိးမၤလၤကပီၤအီၤဒိၣ်မးလီၤ. ယကဘၣ်မၤတၢ်မနုၤလၢပှၤတဂၤအံၤအဂီၢ်န့ၣ်လဲၣ်.” စီၤဟၤမၣ်ဆိကမိၣ်လၢအသးပူၤ, “ခဲအံၤပှၤလၢစီၤပၤအဲၣ်ဒိးမၤလၤကပီၤအီၤဒိၣ်မးန့ၣ် ကမ့ၢ်မတၤလဲၣ်. ကမ့ၢ်ဒၣ်ယၤလီၤ.”

အန့ၣ်ဒီးစီၤပၤစံးဘၣ်စီၤဟၤမၣ်, “မၤချ့ချ့ဒီးလဲၤဟံးန့ၢ်ဆ့ကၤဖးထီ တဖၣ်ဒီးကသ့ၣ်, ဒီးသုးကျဲၤတၢ်လၤကပီၤဒ်အံၤတဖၣ်လၢပှၤယူဒၤ ဖိစီၤမၢ်ဒကဲၤအဂီၢ်တက့ၢ်. မၤတၢ်ကိးမံၤဒဲးလၢအဝဲအဂီၢ်ဒ်နဟ့ၣ်ကူၣ်အသိးတက့ၢ်. နကထံၣ်ဘၣ်အဝဲဆ့ၣ်နီၤဖဲနီအကျဲစၢၤန့ၣ်လီၤ.”