Populaire Bijbelverzen uit Piligu 13

Delen

A ni nya tiŋgbɔn shɛli maa zaa, n ni zaŋ li ti a zuliya ka bɛ su li sahakam.

Ibram mini Lɔt ni daa woligi maa nyaaŋa, ka Yawɛ daa yɛli Ibram, “Kpuɣim’ a zuɣu lihi a ni ʒe luɣ’ shɛli ŋɔ nuzaa polo mini nudirigu polo ni wulimpuhili polo ni wulinluhili polo.

N ni chɛ ka a zuliya ti bemi kaman bihigu la, ka nir’ yi ni tooi kali bihigu, o ni ti tooi kal’ a zuliya gba.

Ka Ibram daa yɛli Lɔt, “Di chɛ ka naŋgbankpeeni kpe m min’ a sunsuuni; a mi di chɛ ka naŋgbankpeeni kpe a biŋkɔbiguliba mini m biŋkɔbiguliba sunsuuni, dama ti nyɛla dɔɣim.

Dinzuɣu ka Ibram daa vuɣ’ o tanti suɣili n-chaŋ ti kpa Mamri oki ti’ shɛŋa din be Hiburɔn la gbini; ka daa me sara maligu bimbini zali nimaani jɛm Yawɛ.

Ka Lɔt daa kpuɣ’ o zuɣu lihi Jɔɔdɛn Mɔɣili polo n-nya ka kom kul tɛli di vinvamli ni luɣ’ shɛlikam zaa, ka di be kaman Yawɛ tihi puu la bee m-be kaman Ijipti tiŋgbɔŋ ni luɣ’ shɛli din be Zɔa polo la. Dimbɔŋɔ nyaaŋa ka Yawɛ daa naanyi ti saɣim Sɔdom mini Gomɔra la.