Populaire Bijbelverzen uit Genesis 12

Delen

Tatagan ko ikaw hin damo nga mga tulin, ngan mahihimo hira nga usa nga dako nga nasod. Pagbebendisyonan ko ikaw ngan hihimoon ko nga bantogan an imo ngaran, basi mahimo ka nga usa nga bendisyon para han iba. Pagpapakaupayon ko adton mga magpapakaupay ha imo, Kundi pagtutunglohon ko adton mga magpapanhimaraot ha imo. Ngan pinaagi ha imo pagpapakaupayon ko an ngatanan nga mga nasod.”

Nagsiring an GINOO kan Abram, “Bayai an imo nasod, an imo kaurupdan, ngan an panimalay han imo amay, ngan pakadto hin usa nga tuna nga igtututdo ko ha imo.

Han 75 na an panuigon ni Abram, ginmikan hiya tikang ha Haran, sumala han iginsiring ha iya han GINOO ngan inmupod ha iya hi Lot.

Pinmakita an GINOO kan Abram ngan nagsiring ha iya, “Amo ini an tuna nga ighahatag ko ngadto han imo mga tulin.” Niyan nagtindog didto hi Abram hin usa nga altar ngadto han GINOO nga pinmakita ha iya.