Populaire Bijbelverzen uit Ягья 6

Delen

– Уьмуьр гудай фу – Зун я, – лагьана Исади. – Зи патав атайди са чӀавузни гишила амукьдач ва Захъ иман ийизвайди гьич са чӀавузни къаних жедач.

Уьмуьр гузвайди Руьгь я, инсанрин алахъунрихъ ахьтин керемат-ишара авач. За квез лагьанвай гафар руьгь я, абуру уьмуьрни гузва.

Куьн фад вара-зара жедай гьакӀан тӀуьнихъ галтугмир, квез эбеди уьмуьр гудай тӀуьнихъ галтуг. А тӀуьн квез Инсандин Хци гуда. Чи Аллагь Бубади Инсандин Хциз гьа ихтияр ганва.

Зун Ракъурнавайдан къаст – Хва акур ва Адахъ иман ийизвай гьар садаз эбеди уьмуьр гун я. Къияматдин юкъуз За гьахьтин гьар са касдал чан хкида.

– Аллагьдиз кӀанзавайди Вичи Ракъурнавайдахъ куьне иман авун я, – жаваб яз лагьана Исади.

Зи Бубади Заз ганвай вирибур гьар гьикӀ хьайитӀани, Зи патав къведа. Зи патав атайди За чукурдач.

– Чун нин патав фида, я Агъа? – жаваб гана Симун-Петруди. – Эбеди уьмуьр гудай гафар Вахъ ава.

Зун цаварилай атанвай уьмуьр гудай фу я; и фу незвай кас эбеди яз жеда. За гузвай фу Зи Беден я. Ам За инсанар чан алаз хьун патал гуда.

Зи патав анжах Зун ракъурай Зи Бубади гъайидавай къвез жеда. Къияматдин юкъуз За адал чан хкида.

Аллагьди гузвай и фу – им цаварилай атана дуьньядиз уьмуьр гузвайди я.

Зун уьмуьр гудай фу я.

Исади фар къачуна, шукур авуна, ацукьнавайбуруз гьардаз кӀандай кьван фуни гъетер пайна. Вири тух хьайила, Ада Вичин тилмизриз лагьана: – Терг тахьун патал амай кӀусар кӀватӀа.

Са сятдин мензилдиз фейила, вирелай тӀуз атана луьткведиз мукьва жезвай Иса акуна, абуруз кичӀе хьана. Амма Исади абуруз лагьана: – Зун я, кичӀе жемир.