Populaire Bijbelverzen uit MATEO 3

Delen

Pamunga kamo ug mga bunga nga takos sa paghinulsol

Ug dihay usa ka tingog gikan sa langit nga nag-ingon, “Kini mao ang akong Anak nga pinalangga, kaniya nalipay ako pag-ayo.”

Ug sa gibautismohan na si Jesus, siya mihaw-as dayon gikan sa tubig, ug unya naabli ang kalangitan ug iyang nakita ang Espiritu sa Dios nga mikunsad daw salampati, ug mitugdon kaniya.

“Ako nagbautismo kaninyo sa tubig alang sa paghinulsol apan siya nga moanhi sunod kanako gamhanan pa kay kanako nga bisan gani sa iyang mga sandalyas dili ako takos nga mobitbit. Siya magbautismo kaninyo sa Espiritu Santo ug kalayo.

Bisan gani karon ang wasay gitaon na diha sa gamot sa mga kahoy, busa ang matag kahoy nga wala mamunga ug maayong bunga putlon ug itambog ngadto sa kalayo.

Kay kini siya mao ang gihisgotan sa propeta nga si Isaias nga nag-ingon, “Ang tingog sa nagsinggit didto sa kamingawan: Andama ninyo ang dalan alang sa Ginoo, tul-ira ninyo ang iyang mga agianan.”