Populaire Bijbelverzen uit JUAN 2

Delen

Mao kini ang una sa mga milagro ni Jesus. Kini nahitabo didto sa Cana sa Galilea, ug nagpadayag sa iyang himaya, ug ang iyang mga tinun-an mituo kaniya.

Si Jesus miingon kaniya, “Babaye, unsa bay imo ug ako niana? Ang akong takna wala pa moabot.”

Si Jesus miingon kanila, “Pun-a ninyo ug tubig ang mga tadyaw.” Ug kini ilang gipangpuno hangtod sa baba. Unya siya miingon kanila, “Pagkabo na kamo niana ug dad-a ngadto sa tinugyanan sa kombira.” Ug gidala nila kini ngadto kaniya.

Si Jesus mitubag ug miingon kanila, “Gub-a ninyo kining templo, ug patindogon nako kini sulod sa tulo ka adlaw.”

Ug nagbuhat siya ug latigo nga pisi ug giabog niya silang tanan, lakip ang mga karnero ug mga baka, ngadto sa gawas sa Templo. Ug giyabo niya ang mga salapi sa mga tigpangilis ug iyang gipanglintuwad ang ilang mga lamisa. Unya siya miingon sa mga namaligya ug mga salampati, “Kuhaa ninyo gikan dinhi kining mga butanga! Ayaw ninyo himoang taboan ang balay sa akong Amahan.”