Populaire Bijbelverzen uit MARCOS 2

Delen

Jesusaki ninaka chïñi nonźku, ninakźkiś tuź khichićha: –Ni wiw źoñinakaki anaź qullñi źoñi pekasaćha, lä źoñinakaź qullñiki pekćha, niźaśa werhki anaź ni źkayi quśśiś źoñinaka qhawśñi thonchinki, ans werhki ni ujchiś źoñinakźkin thonchinćha.

Jesusaki ninaka thapa quśtan nayźku ni śuch źoñźkiś palxaychićha, tuź khikan: –Weth mati, xaśiki am ujnakaki pertuntaź khekićha.

Neqhśtan Jesusaki khichićha: –Źoñinakźta jejś thuñiki uchśtaćha, ana źoñinaka ni jejś thuñxapa.

Tama źoñi akhsiź khen, Jesusiźkin ana makhati atchićha, qhuya yawźku tsewktan phetźku Jesusiź qhutñik ni phetkiśtan ni śuch źoñi pirsatkiś śhujunchićha.

Xaśiki anćhukakiś thëźnaćha werhki źoñź Matćha, werhki ti yoqkiś jiliritćha ujnaka śumansqatśxapa. Neqhśtan śuch źoñźkiś khichićha: –Amkiś khiwćha tshitsna, am pirsata waytiźku oqa am qhuya.

¿Xaqsiltat tshan phaśila chïś khesaxo, ti śuch źoñźkiś chïźinśxo: ‘Am ujnaka śumachita’, uśh tuź chiyasax: ‘Źäźna, am pirsata waytiźku oqa’?

Neqhśtan ni śuch źoñiki źäśićha; nïź pirsata waytiźku ulanź oqhchićha, ni qhuykiśtan, thapa ni źoñinakaź cheran. Xalla niźta cherźku thapa źoñinakaki iśpantichićha, neqhśtan Yöśkin kanti qallantichićha, tuź khikan: –Ana wira tiźta päñi cherinćhumćha.