Populaire Bijbelverzen uit LUCAS 8

Delen

Xalla ni śuma yoqkiś ćhhakta mujunakaki, śuma quśśiś źoñinakaćha, niźaśa iyawpacha kaśñićha Yöś śuma kintu nonśxapa, niźaśa thurt'ichipanź qamćha neqhśtan śuma panź poqćha.

Xalla ni ch'apiran thxotsi mujunakaki ni Yöś śuma kintu nonśñi irataćha, xalla neqhśtan śumat śumat perśun ćhhultaqinakkiśqaś quś thäćha, niźaśa ni źelinchiś khiś pekćha, niźaśa ti yoq śuma qamañanakaqaś pekćha, niźtikiśtan anaź ćhherćha.

Xalla ni maśkiś thxotsi mujunakaki, Yöś taquź tanźa niźaśa nonźa śuma quśtan xalla niźta irataćha ni źoñinakaki, xalla ninakaki ana qos śep'ichiśtaqaśśa; tshi upakamallaqaś kaśśa xalla ni llakiź thonanaki kephsa.

Xalla neqhśtan Jesusaki nïź thaxintanakaźkiś khichićha: –¿Anćhuka quś qhaź khissita? Xalla ninakaki tsukhchi iśpantichi, ninakpora pewksasatćha: –¿Jëkhpan tïxo, niźaśa ni thamimi qhaś lhxoqimiź ujźa niźaśa ninakaki tïź kaśśa?

xalla ni jikhśkiś thxotsi mujunakaki Yöś śuma kintu nonśñi irataćha, xalla neqhśtan Saxraki thonźku ninakź quśkiśtan qhañćha niźaśa ana kaśaxu niźaśa ana liwrïta khexu.

Nuźuśaqaś anaź ćhhulu śhoxźtaki źelhćha, śhoxtanakaki wathźtapanqaś khekićha, niźaśa anaź ana śiśtanakaki źelhćha ni ana śiśtanakaki śiśtaqaś khekićha.

Neqhśtan na źonki Jesusa cherźku ana śhoxśñi atchinćha, neqhśtan kharkatkan Jesusiź qhxochkiś killśinćha, thappacha ni źoñinakź tukkiś maśśinćha qhaźtikiśtan nuź lanśintaźlax, neqhśtan ni orapacha źethqalćha. Jesusaki näkiś khichićha: –Kullaka, am Yöśkin thapa quśśiś khen ćhhetintamćha. Xaśiki thilhapacha oqa.

Neqhśtan ninakaki Jesusa źini oqhchićha, tuź khikan: –¡Thaxiñi! ¡Thaxiñi! ¡Ućhumnakki qhaśkiś qatśmayaćha! Neqhśtan Jesusaki źäźku ni thamźkiś niźaśa ni qhaś lhxoqźkiź ujśićha, neqhśtan thappacha tshorhchićha niźaśa ch'ujpachataćha.