Populaire Bijbelverzen uit Mat 11

Delen

“Mlaba a! Mlɔ banama petee gi mletu adɔtu la xe mlɔ adɔtu la eepè mlo e, mlaba mɔklɔ atɔ maaki mlaayɔ isu mɛ ɛ.

Mlabubɔ isu ya akpɛ mɛ ese tɔ mlakpasi mɛ ɛ. Lɛ ese linu si mayɔ ɔ, lɛ mepleni isu ya ní Ɔfuɛfuɛ nɔ mɛ ɛ, atɔ mlamɔ isu mɛ kuyɔyɔ ɔ.

Mɛ ese kuzezeo kuli i plɔplɔ ɔ, lɛ mɛ lidɔtu le gi maatrɔ wɔ ɛ, líma ɛnyipu.”

“Mɛ ɔka akɔ kidɔ kakaa aki mɛ. Ɔnɔnɔ óte Obi ye sani Ɔka yɛ ko, lɛ ɔnɔnɔ fɛ óte Ɔkaɛ, sani Obi ye ko, ani banama gi Obi ye apɛ si yibu ye e basɛ ɛ.

Lɛ Yesu ebu le onu si, “Mledzi a trɛ tɔ mlasi Yohanes eboa la gi mlenu, ani eboa la aŋu mɛ gi mlɛmɔ ɛ. Kuŋupoo kwimɔ, lɛ bafa ba bɛɛga a; kunya kyikyĩ yɔ banyanya ba ɛ, ba isu iidra a, lɛ itoku le kyɛ iinu i. Bekpo ʋa beedzi ligbã, lɛ bɛpani liboe gbã nɛ ɛsi bepiplinete ba a.

Ɔniliɛ gi kutu kuli yɛ ɛ, atɔ onu le.