Populaire Bijbelverzen uit ꠁꠘ꠆ꠎꠤꠟ ৪: ꠢꠣꠘ꠆ꠘꠣꠘ 6

Delen

ꠁꠍꠣꠄ ꠇꠁꠟꠣ, “ꠀꠝꠤꠃ ꠢꠃ ꠎꠤꠘ꠆ꠖꠦꠉꠤ-ꠞꠥꠐꠤ। ꠎꠦ ꠎꠘ ꠀꠝꠣꠞ ꠉꠦꠍꠦ ꠀꠄ, ꠔꠣꠞ ꠇꠥꠘꠥ ꠡꠝꠄ ꠜꠥꠇ ꠟꠣꠉꠦ ꠘꠣ, ꠀꠞ ꠎꠦ ꠀꠝꠣꠞ ꠃꠙꠞꠦ ꠁꠝꠣꠘ ꠀꠘꠦ, ꠔꠣꠞ ꠇꠥꠘꠥ ꠡꠝꠄ ꠙꠤꠀꠍꠦꠅ ꠗꠞꠦ ꠘꠣ।

ꠔꠥꠝꠞꠣ ꠛꠥꠎꠞꠣꠄ ꠘꠤ, ꠝꠣꠘꠡꠞ ꠡꠞꠤꠟ ꠔ ꠛꠦꠇꠣꠝꠣ, ꠀꠍꠟꠦ ꠞꠥꠢꠥ ꠅꠁꠟꠉꠤ ꠎꠤꠘ꠆ꠖꠦꠉꠤ। ꠀꠝꠤ ꠔꠥꠝꠞꠣꠞꠦ ꠎꠦ ꠛꠄꠀꠘꠤ ꠇꠁꠟꠣꠝ, ꠁꠔꠣ ꠅꠁꠟꠉꠤ ꠝꠣꠘꠡꠞ ꠞꠥꠢꠥ ꠀꠞ ꠎꠤꠘ꠆ꠖꠦꠉꠤꠞ ꠛꠦꠙꠣꠞ।

ꠅꠈꠘ ꠢꠥꠘꠅ, ꠖꠥꠘꠤꠀꠛꠤ ꠎꠦ ꠈꠣꠘꠤ ꠘꠡ꠆ꠐ ꠅꠁꠎꠣꠄ, ꠔꠣꠞ ꠈꠞꠦ ꠊꠥꠞꠤꠀ ꠟꠣꠜ ꠇꠤꠔꠣ? ꠎꠦ ꠈꠣꠘꠤ ꠇꠥꠘꠥꠖꠤꠘ ꠘꠡ꠆ꠐ ꠅꠄ ꠘꠣ, ꠛꠞꠋ ꠀꠈꠦꠞꠤ ꠎꠤꠘ꠆ꠖꠦꠉꠤ ꠖꠣꠘ ꠇꠞꠦ, ꠔꠣꠞ ꠈꠞꠦ ꠅꠁꠀ ꠊꠥꠞꠅ। ꠁ ꠈꠣꠘꠤ ꠔ ꠀꠝꠤ ꠛꠤꠘ-ꠀꠖꠝꠦ ꠔꠥꠝꠞꠣꠞꠦ ꠖꠤꠝꠥ। ꠅꠃ ꠄꠈꠔꠤꠀꠞ ꠈꠣꠟꠤ ꠀꠝꠣꠞ ꠀꠍꠦ, ꠀꠝꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠄꠃ ꠁꠔꠣꠞ ꠙꠞꠝꠣꠘ ꠖꠦꠈꠣꠁꠍꠂꠘ।”

ꠀꠝꠣꠞ ꠛꠣꠚꠞ ꠝꠥꠘꠡꠣ ꠅꠁꠟ, ꠎꠣꠞꠣ ꠔꠣꠘ ꠙꠥꠔꠞꠦ ꠖꠦꠈꠤꠀ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ, ꠔꠣꠞꠣ ꠎꠣꠘꠥ ꠀꠈꠦꠞ ꠙꠣꠄ। ꠀꠞ ꠀꠝꠤꠃ ꠔꠣꠞꠣꠞꠦ ꠞꠥꠎ ꠢꠣꠡꠞꠅ ꠎꠤꠘ꠆ꠖꠣ ꠇꠞꠤ ꠔꠥꠟꠝꠥ।”

ꠔꠣꠁꠘ ꠇꠁꠟꠣ, “ꠀꠟ꠆ꠟꠣꠄ ꠎꠣꠞꠦ ꠙꠣꠑꠣꠁꠍꠂꠘ, ꠔꠣꠘ ꠃꠙꠞꠦ ꠁꠝꠣꠘ ꠀꠘꠣꠃ ꠅꠁꠟ ꠀꠟ꠆ꠟꠣꠞ ꠇꠣꠝ।”

ꠀꠝꠣꠞ ꠉꠣꠁꠛꠤ ꠛꠣꠚꠦ ꠎꠦꠞꠣꠞꠦ ꠀꠝꠣꠞ ꠀꠔꠅ ꠖꠦꠁꠘ, ꠔꠣꠞꠣ ꠢꠇꠟꠃ ꠀꠝꠣꠞ ꠉꠦꠍꠦ ꠀꠁꠛ। ꠎꠦ ꠎꠘ ꠀꠝꠣꠞ ꠉꠦꠍꠦ ꠀꠄ, ꠀꠝꠤ ꠇꠥꠘꠥꠝꠘ꠆ꠔꠦꠃ ꠔꠣꠞꠦ ꠛꠣꠞꠦ ꠚꠣꠟꠣꠁꠔꠣꠝ ꠘꠣꠄ।

ꠍꠣꠁꠝꠘ-ꠙꠤꠔꠞꠦ ꠎꠥꠀꠙ ꠖꠤꠟꠣ, “ꠢꠥꠎꠥꠞ, ꠀꠝꠞꠣ ꠀꠞ ꠇꠣꠞ ꠉꠦꠍꠦ ꠎꠣꠁꠔꠣꠝ? ꠀꠈꠦꠞꠤ ꠎꠤꠘ꠆ꠖꠦꠉꠣꠘꠤꠞ ꠔꠣꠟꠤꠝ ꠔ ꠈꠣꠟꠤ ꠀꠙꠘꠣꠞ ꠉꠦꠍꠦꠃ ꠀꠍꠦ।

ꠢꠥꠘꠅ, ꠀꠝꠤꠃ ꠅꠁꠟꠣꠝ ꠢꠃ ꠎꠤꠘ꠆ꠖꠣ ꠞꠥꠐꠤ, ꠎꠦ ꠞꠥꠐꠤ ꠛꠦꠢꠦꠡ꠆ꠔ ꠕꠣꠇꠤ ꠟꠣꠝꠤꠀ ꠀꠁꠍꠦ। ꠎꠦ ꠎꠘꠦ ꠁ ꠞꠥꠐꠤ ꠈꠣꠁꠛ, ꠢꠦ ꠌꠤꠞꠇꠣꠟꠤꠘ ꠎꠤꠘ꠆ꠖꠦꠉꠤ ꠙꠣꠁꠛ। ꠀꠝꠣꠞ ꠇꠣꠄꠀꠃ ꠅꠁꠟ ꠅꠃ ꠞꠥꠐꠤ। ꠝꠣꠘꠡꠞꠦ ꠌꠤꠞꠇꠣꠟꠤꠘ ꠎꠤꠘ꠆ꠖꠦꠉꠤ ꠖꠤꠛꠣꠞ ꠘꠤꠅꠔꠦ ꠀꠝꠤ ꠀꠝꠣꠞ ꠖꠦꠢ-ꠇꠣꠄꠀ ꠛꠤꠟꠣꠁ ꠖꠤꠝꠥ।”

ꠀꠝꠣꠞ ꠎꠦ ꠉꠣꠁꠛꠤ ꠛꠣꠚꠦ ꠀꠝꠣꠞꠦ ꠙꠣꠑꠣꠁꠍꠂꠘ, ꠔꠣꠁꠘ ꠀꠡꠤꠇ ꠘꠣ ꠛꠣꠘꠣꠁꠟꠦ ꠇꠥꠘꠥ ꠝꠣꠘꠥꠡꠃ ꠀꠝꠣꠞ ꠉꠦꠍꠦ ꠀꠁꠔ ꠙꠣꠞꠦ ꠘꠣ। ꠀꠞ ꠀꠝꠤꠃ ꠔꠣꠞꠦ ꠞꠥꠎ ꠢꠣꠡꠞꠅ ꠎꠤꠘ꠆ꠖꠣ ꠢꠣꠟꠔꠦ ꠔꠥꠟꠝꠥ।

ꠀꠞ ꠀꠟ꠆ꠟꠣꠞ ꠖꠦꠅꠀ ꠢꠃ ꠞꠥꠐꠤ ꠅꠁꠟꠣ ꠅꠃ ꠎꠘ, ꠎꠦꠁꠘ ꠛꠦꠢꠦꠡ꠆ꠔ ꠕꠣꠇꠤ ꠟꠣꠝꠤꠀ ꠀꠁꠀ ꠢꠣꠞꠣ ꠎꠉꠔꠞꠦ ꠎꠤꠘ꠆ꠖꠦꠉꠤ ꠖꠦꠁꠘ।”

ꠀꠝꠤꠃ ꠎꠤꠘ꠆ꠖꠦꠉꠤ-ꠞꠥꠐꠤ।

ꠛꠣꠖꠦ ꠔꠣꠁꠘ ꠅꠃ ꠙꠣꠌꠈꠣꠘ ꠞꠥꠐꠤ ꠀꠔꠅ ꠟꠁꠀ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠀ ꠄꠞꠣꠞꠦ ꠛꠣꠐꠤꠀ ꠖꠤꠟꠣ। ꠅꠃꠟꠣ ꠛꠤꠞꠣꠘ ꠝꠣꠍꠅ ꠛꠣꠐꠤꠀ ꠖꠤꠟꠣ। ꠎꠦ ꠎꠔ ꠌꠣꠁꠟ, ꠢꠦ ꠅꠔꠈꠣꠘ ꠙꠣꠁꠟ। ꠢꠇꠟ ꠝꠣꠘꠡꠦ ꠙꠦꠐ ꠜꠞꠤ ꠈꠣꠁꠟ। ꠈꠣꠁꠀ ꠢꠣꠞꠟꠦ ꠁꠍꠣꠄ ꠔꠣꠘ ꠍꠣꠢꠣꠛꠤ ꠅꠇꠟꠞꠦ ꠇꠁꠟꠣ, “ꠈꠣꠘꠤꠞ ꠛꠣꠖꠦ ꠎꠦꠔꠣ ꠞꠁꠍꠦ, ꠔꠥꠝꠞꠣ ꠅꠔꠣ ꠄꠇꠈꠣꠘꠅ ꠖꠟꠣ ꠇꠞꠅ, ꠇꠥꠘ꠆ꠔꠣ ꠚꠣꠟꠣꠁꠅ ꠘꠣ।”

ꠅꠘꠥꠝꠣꠘ ꠔꠤꠘ-ꠌꠣꠁꠞ ꠝꠣꠁꠟ ꠘꠣꠅ ꠛꠣꠁꠀ ꠎꠣꠅꠀꠞ ꠛꠣꠖꠦ ꠔꠣꠞꠣ ꠖꠦꠈꠟꠣ, ꠢꠎꠞꠔ ꠁꠍꠣ ꠙꠣꠘꠤꠞ ꠃꠙꠞꠦꠖꠤ ꠀꠐꠤꠀ ꠔꠣꠞꠣꠞ ꠉꠦꠍꠦ ꠀꠁꠞꠣ। ꠁꠔꠣ ꠖꠦꠈꠤꠀ ꠍꠣꠢꠣꠛꠤ ꠅꠇꠟꠦ ꠈꠥꠛ ꠒꠞꠣꠁꠉꠦꠟꠣ। ꠅꠃ ꠡꠝꠄ ꠁꠍꠣꠄ ꠔꠣꠞꠣꠞꠦ ꠇꠁꠟꠣ, “ꠒꠞꠣꠁꠅ ꠘꠣ, ꠁ ꠔ ꠀꠝꠤ।”