Populaire Bijbelverzen uit ꠔꠃꠞꠣꠔ ২: ꠢꠤꠎꠞꠔ 6

Delen

ꠄꠞꠟꠣꠉꠤ ꠔꠥꠝꠤ ꠉꠤꠀ ꠛꠘꠤ ꠁꠍꠞꠣꠁꠟꠞꠦ ꠇꠅ, ꠝꠣꠛꠥꠖꠦ ꠇꠁꠍꠂꠘ, ꠀꠝꠤ ꠝꠣꠛꠥꠖ, ꠀꠝꠤ ꠔꠥꠝꠞꠣꠞꠦ ꠝꠤꠡꠞꠤ ꠅꠇꠟꠞ ꠔꠟ ꠕꠣꠇꠤ ꠛꠣꠞ ꠇꠞꠤꠀ ꠀꠘꠝꠥ, ꠔꠣꠞꠣꠞ ꠉꠥꠟꠣꠝꠤ ꠕꠣꠇꠤ ꠀꠎꠣꠖ ꠇꠞꠝꠥ। ꠔꠣꠞꠣꠞꠦ ꠖꠦꠈꠣꠞ ꠝꠔ ꠡꠣꠎꠣ ꠖꠤꠀ, ꠀꠝꠣꠞ ꠇꠥꠖꠞꠔꠤ ꠀꠔꠖꠤ ꠔꠥꠝꠞꠣꠞꠦ ꠈꠣꠟꠣꠍ ꠇꠞꠝꠥ।

ꠢꠦꠡꠦ ꠔꠥꠝꠞꠣꠞꠦ ꠀꠝꠣꠞ ꠘꠤꠎꠞ ꠛꠘ꠆ꠖꠣ ꠛꠣꠘꠣꠁꠝꠥ, ꠀꠝꠤ ꠘꠤꠎꠦ ꠔꠥꠝꠞꠣꠞ ꠀꠟ꠆ꠟꠣ ꠅꠁꠝꠥ। ꠔꠦꠃ ꠔꠥꠝꠞꠣ ꠛꠥꠎꠛꠣꠄ, ꠀꠝꠤ ꠀꠟ꠆ꠟꠣꠃ ꠔꠥꠝꠞꠣꠞ ꠝꠣꠛꠥꠖ, ꠀꠞ ꠝꠤꠡꠞꠤ ꠅꠇꠟꠞ ꠜꠣꠞꠞ ꠔꠟ ꠕꠣꠇꠤ ꠀꠝꠤꠃ ꠔꠥꠝꠞꠣꠞꠦ ꠛꠣꠌꠣꠁꠍꠤ।

ꠀꠝꠤ ꠁꠛ꠆ꠞꠣꠢꠤꠝ, ꠁꠍꠢꠣꠇ, ꠁꠀꠇꠥꠛꠞ ꠟꠉꠦ ꠎꠦ ꠖꠦꠡꠞ ꠇꠕꠣ ꠅꠀꠖꠣ ꠇꠞꠍꠤ, ꠢꠃ ꠖꠦꠡꠅ ꠔꠥꠝꠞꠣꠞꠦ ꠟꠁꠀ ꠎꠣꠁꠝꠥ, ꠔꠥꠝꠞꠣ ꠢꠃ ꠖꠦꠡꠞ ꠝꠣꠟꠤꠇ ꠅꠁꠛꠣꠄ। ꠀꠝꠤꠃ ꠝꠣꠛꠥꠖ।” ꠝꠥꠍꠣꠄ ꠉꠤꠀ ꠁꠔꠣ ꠢꠇꠟꠔꠣ ꠔꠣꠞꠣꠞꠦ ꠎꠣꠘꠣꠁꠟꠣ, ꠅꠁꠟꠦ ꠢꠤ ꠛꠦꠕꠣꠄꠀ ꠎꠥꠟꠥꠝ-ꠔꠇꠟꠤꠚ ꠀꠞ ꠉꠥꠟꠣꠝꠤ ꠇꠞꠔꠦ ꠇꠞꠔꠦ ꠝꠘ-ꠝꠞꠣ ꠅꠁꠎꠣꠅꠀꠄ, ꠔꠣꠞꠣ ꠀꠞ ꠝꠥꠍꠣꠞ ꠝꠣꠔꠦ ꠇꠣꠘ ꠖꠤꠟꠣ ꠘꠣ।

ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠚꠦꠞꠣꠃꠘꠞ ꠇꠤꠔꠣ ꠖꠡꠣ ꠅꠄ ꠔꠥꠝꠤ ꠖꠦꠈꠤꠅ, ꠀꠝꠣꠞ ꠀꠔꠞ ꠎꠥꠞ ꠖꠦꠈꠟꠦꠃ ꠢꠦ ꠝꠣꠘꠡꠞꠦ ꠍꠣꠠꠤ ꠖꠤꠛ। ꠎꠥꠞꠀꠟꠣ ꠀꠔꠞ ꠇꠥꠖꠞꠔ ꠖꠦꠈꠟꠦꠃ ꠢꠦ ꠔꠣꠞ ꠖꠦꠡ ꠕꠣꠇꠤ ꠄꠞꠣꠞꠦ ꠈꠦꠖꠣꠁ ꠖꠤꠛ।”