Populaire Bijbelverzen uit ꠁꠘ꠆ꠎꠤꠟ ৫: ꠍꠣꠢꠣꠛꠤ ꠘꠣꠝꠣ 14

Delen

“ꠅ ꠍꠣꠛ ꠅꠇꠟ, ꠀꠙꠘꠣꠞꠣ ꠇꠦꠘꠦ ꠁꠔꠣ ꠇꠞꠞꠣ? ꠀꠝꠞꠣ ꠔ ꠈꠣꠟꠤ ꠀꠙꠘꠣꠁꠘ꠆ꠔꠞ ꠟꠣꠈꠣꠘꠃ ꠖꠥꠈꠤ-ꠡꠥꠈꠤ ꠝꠣꠘꠥꠡ, ꠀꠝꠞꠣ ꠀꠙꠘꠣꠁꠘ꠆ꠔꠞ ꠉꠦꠍꠦ ꠅꠃ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠞꠣꠝ, ꠎꠣꠔꠦ ꠁ ꠅꠡꠣꠞ ꠢꠇꠟꠔꠣ ꠛꠣꠖ ꠖꠤꠀ ꠎꠤꠘ꠆ꠖꠣ ꠀꠟ꠆ꠟꠣꠞ ꠛꠣꠄ ꠚꠤꠞꠂꠘ, ꠎꠦꠁꠘ ꠀꠍꠝꠣꠘ-ꠎꠝꠤꠘ, ꠖꠞꠤꠀ ꠀꠞ ꠄꠞꠝꠣꠎꠦ ꠎꠔꠔꠣ ꠀꠍꠦ ꠢꠇ꠆ꠇꠟꠔꠣ ꠙꠄꠖꠣ ꠇꠞꠍꠂꠘ।

ꠢꠦ ꠙꠣꠃꠟꠥꠍꠞ ꠛꠄꠀꠘ ꠢꠥꠘꠣꠔ ꠀꠍꠤꠟ; ꠙꠣꠃꠟꠥꠍꠦ ꠔꠣꠞ ꠛꠣꠄ ꠗꠤꠀꠘ ꠇꠞꠤ ꠌꠣꠁꠟꠣ, ꠀꠞ ꠜꠣꠟꠣ ꠅꠀꠞ ꠟꠣꠉꠤ ꠔꠣꠞ ꠁꠝꠣꠘ ꠀꠍꠦ ꠛꠥꠎꠤꠀ, ꠔꠣꠞꠦ ꠎꠥꠞꠦ ꠒꠣꠇꠖꠤ ꠇꠁꠟꠣ, “ꠔꠥꠝꠣꠞ ꠙꠣꠅꠔ ꠜꠞꠖꠤ ꠡꠤꠗꠣ ꠅꠁꠀ ꠃꠛꠣꠅ!” ꠔꠦꠃ ꠟꠉꠦ ꠟꠉꠦꠃ ꠝꠣꠘꠥꠡꠉꠥ ꠚꠣꠟꠖꠤ ꠃꠑꠤꠀ ꠀꠐꠔ ꠟꠣꠉꠟ।

ꠔꠣꠞꠣ ꠎꠝꠣꠔꠞꠦ ꠌꠣꠟꠣꠘꠤꠞ ꠟꠣꠉꠤ ꠙꠞꠔꠦꠇ ꠎꠝꠣꠔꠞ ꠝꠥꠞꠛ꠆ꠛꠤ-ꠇꠝꠤꠐꠤ ꠛꠣꠘꠣꠁꠟꠣ। ꠀꠞ ꠎꠦ ꠝꠣꠟꠤꠇꠞ ꠃꠙꠞꠦ ꠔꠣꠞꠣ ꠁꠝꠣꠘ ꠀꠘꠍꠂꠘ, ꠄꠘ ꠘꠣꠝꠦ ꠞꠥꠎꠣ ꠞꠣꠈꠤꠀ ꠖꠥꠀ ꠇꠞꠤꠀ ꠅꠃ ꠁꠍꠣꠞ ꠀꠔꠅ ꠄꠞꠣꠞꠦ ꠡꠙꠤꠀ ꠖꠤꠟꠣ।