Populaire Bijbelverzen uit Mt 28

Delen

Mhonntôch vochat ani soglleam raxttrank Bapachê ani Putachê ani Povitr Atmeachê Nanvim tankam batism diun, ani Hanvem tumkam dileat teô soglleô adnea pallunk tankam xikoun Mhoje xis korat. Ani zanno zaiat, sodanch-sodam, hôi, ho sonvsar soro porian, Hanv tumchea sangata asam! Amen!”

Jezun fuddem sorun mhonn’lem: “Sorgar ani sonvsarar Devan Mhaka sogllo odhikar dila.

Punn devdutan uloun team ostoreank mhonn’lem: “Bhienakat! Khursar marlelea Jezuk tumi sôdtat mhonn hanv zannom. To hangasôr na, kiteak, Tannem sanglelem tea pormannem, Devan Taka punorjivont kela. Taka dovorlolo ti svat ieun polleiat

Tedna Jezun tankam mhonn’lem: “Bhienakat; vochat ani Mhojeam bhavank Galileiak vochat mhonn sangat. Thõi te Mhaka dekhtele.”

Hãnnim zannteam borabôr sobha zomoun borech poixe soinikanchea hatant ghalunk êk tharav ghetlo. Tannim tankam mhonn’lem: “Tumi oxem sangchem: ‘Ami nhidlele astana, ratiam ieun tacheam xisamnim taka chorun vhelo.’ Ani hem razpalachea kanar poddot zalear, ami taka somzaitelenv ani tumkam trasantle vattaitelenv.” Mhonntôch soinikamnim poixe ghetle ani apnnank xikoilelem tea pormannem kelem. Ani hi khobor Judevam modem ximpoddli ani aicho dis porian ti cholta.