Populaire Bijbelverzen uit Avalumi 10

Delen

Wone widikile kwa umulomo gwako ukuta Kilisito ye Mutwa na ukufuuwa munumbula yako ukuta Nguluvi amusilibwe ukuhuma kuvafwe, upokwe.

Pakuva umunu aifuuwa kwa inumbula nu kuwuyapwa mugolofu, na ukwidikila kwa umulomo gwakwe apokwe.

Sweno, ulufuuwo lwakusa kwa kupulika ulukani, na ulukani ulo lwihuma mu lukani lwa Kilisito.”

Uwandike Uwelu witigila: “Yeyeavesaga akumufuuwa sisaahongelwa inyoni.” Ulu lwihanza mbevali, pakuva kugaya luhagu, ulwa Muyahudi na umumyanza, pakuva Mutwa va mbevali ye yumwi, nave muwuya hilo kwa mbevali vevakumusuka. Na Uwandike Uwelu witigila: “Yeyeavesaga akumusuka mwitawa lya Umutwa saapokwa.”

Na avanu vadalika ndawuli wone sivalasindikwa? Ndawe Uwandike Uwelu wewitigila, “Lwinoga witigila kiki kwa ukusa kwa vala avanyakuleta Ulukani Ulunofu.”

Mbino vamusuka ndawuli wone sivalamufuuwa? Na kangi; vamufuuwa ndawuli wone sivalapulika ing'ani sakwe? Na vapulika ndawuli ing'ani sakwe wone asupali umudalisi?

Pakuva kwa ukusa kwakwe Kilisito. Indagilo yesifikite pa mudugo, gwa ifipigo fyawo sambi mbevali vevakumufuuwa Nguluvi vawuyapwe vagolofu.