Populaire Bijbelverzen uit ROMAFƆ 11

Delen

Wǝ díyifo lesa saa, nya wǝ dímuǝ asa nnya kenke ɔnlɛ, nya wǝ ni lesa saa eto kalosǝkɔ. Atɛsǝ itǝ Onanto idu mɔmɔ isu manlo manlo. Ibǝ itǝ.

Onanto amɔ tinti! Nya asa sɛɛ kenke etsyi wǝ ɔflɔ. Nya sitintii, wǝ ni kobe nya unyi asa nnya kenke eto kemiǝ kukɔnɔ. kǝlǝkǝ kasɔ bɔnɔ. Nya kutsyuǝ sa ǝmbofo esu nya ǝsuǝ waayɛ keyifo wǝ asa kasɔ bɔnɔ. Nya kutsyuǝ saa ǝmbofo esu nya ǝsuǝ wǝ ayɛ keyifo wǝ asa kasɔ bɔnɔ.

Nko eso báwɔni bákpe lǝ Awɔnisa Kɛnkɛ eto Kukue ǝsuǝ nkǝ, “Owoe laanɔ Bonamute eto nsusu kasɔ? Nya owoe ni wǝ ɔwunsǝkotsyuǝ?

Nko ke itsyǝ fe kase inte mɔmɔ nɛ. Israel eto betidi esiani bǝtsyuǝ ebu ba Onanto dílǝkǝ utsyǝ itǝ wǝ ǝsuǝ ɛyɛ lǝ wǝ lefonǝ eso. Wǝ lefonǝ ǝsuǝ nya ɔ́yɛ úlǝkǝ mǝ, nya inni lesa nǝ béyifo eso úlǝkǝ mǝ. Nya lǝ Onanto ǝlǝkǝ betidi lǝ mǝ keyifo ka banlɛ esoo, nyalɛ eni wǝ lefonǝ menyifo lefonǝ tinti.

Bála kuyi ko bétsyi eto kalɛ, nya béfi mimba lenni Yudafɔ ba nte fe dibutu eto kuyi ko bála bákle bámaklasǝ lǝ nko bétsyi eto ɔlɛ wǝ bála eto kɛnyɛ. Itǝ bǝ mi tsya ǝbǝ bɛlɛ kedi bunyǝ ketsyiko lǝ kuyitsyitsyi komǝ, ko ni Yudafɔ eto keyudu ɔflɔ. Nyaso bebe sinini biǝ biambesǝ ǝsuǝ kato lǝ uyilɛ wǝ bála ǝsuǝ. Itsyise lǝ biyifo nkoo, ele bǝ binyǝ bitsyǝ lekpo biǝ inni mi ni ko uyudu. Bomu uyudu nlɛ mi lǝ nkpǝ nɛ.