Populaire Bijbelverzen uit YOHANES 21

Delen

Se bédi lesa bálosǝ, Yesu átɔ Simon Petro nkǝ, “Simon, Yohanes eto ubi, aala mɛ aso kase bafɛfɛ bamfo laala mɛ?” Útǝ mbuayɛ nkǝ, “Ee, Bonamute! Fǝ kosate yi fǝnkǝ maala fǝ.” Mfó nya Yesu lɛtɛyi wǝ nkǝ, “Lɛ mɔ basamubi ola.” Lǝ nyamfo eto kamaa, Yesu esi ɔ́tɔ wǝ dinuǝfǝ nkǝ, “Simon, Yohanes eto ubi, aala mɛ?” Petro esi útǝ wǝ mbuayɛ nkǝ, “Ee, Bonamute! Fǝ kosate yi fǝnkǝ maala fǝ.” Mfó Yesu disi ɔ́tɛyi wǝ nkǝ, “Lɛ mɔ basamu ola!” Yesu esi ɔ́tɔ wǝ ditsyǝfǝ nkǝ, “Simon, Yohanes eto ubi, aala mɛ?” Bɔtɔ bomfo ǝlǝ Petro, itsyise ditsyǝfǝ sɔ̃ɔ̃ ni nǝmfo nɛ se Yesu lɛtɔ wǝ nkǝ, “Aala mɛ?” Nyaso ɔ́tɛyi Yesu nkǝ, “Bonamute, eyi lesa saa. Nya fǝ kosate nyi fǝnkǝ maala fǝ!” Mfó nya Yesu lɛtɛyi wǝ nkǝ, “Lɛ mɔ basamu ola.

Sitinti minlɛ fǝ bɔtɛyi minkǝ, lefe nǝ fedi okosobii, ákafo kafia buti fǝ kosate kesu kaka ke fála. Fɛɛ lefe nǝ fákabee, ebobesɛ fǝ ani kato nya utidi bamba luubǝ okle fǝ kafia fɛ wookpa fǝ usuko kaka fanla fǝ eesu.”

Nya ɔ́tɛyi mǝ nkǝ, “Beta mi asabu nyamǝ bekpo lǝ ɔklɔ ǝmǝ eto kodiani, lǝ binyǝ lesaatsyuǝ bilǝkǝ.” Nyaso béyifo nko. Binǝ bia bǝlǝkǝ efui bǝǝ, bamfo asabu nyamǝ bunǝ kǝlǝkǝ.

Mfó nya Simon Petro lɛtɛyi mǝ nkǝ, “Meesu nta asabu lǝ mbǝ.” Mfó nya mǝ tsya lɛtɛyi wǝ bǝnkǝ, “Bontsya ebutǝkǝko fǝ busu.” Nyaso bésu bédufǝ lǝ ɔklɔ ǝsuǝ nya bédu bésu. Fɛɛ lǝ ketsye ka kenkee, bǝnlǝkǝ akpɛ saa.