Populaire Bijbelverzen uit KINAWANSAYAN 37

Delen

Insan o totuong, om pongipi no i Yusup, nga' soira'ddi di pinosusui dau iri dot id piro-piro o tobpinai dau om okon nogiddi dot araatan kopio iyolo' dau.

Om poinggayo-gayo no o kosianan di Yakub di Yusup ko' mantad di tangaanak dau'd suwai, tu' i Yusup no i nosusu do tontok di molohing no kopio i Yakub. Om wansayai noddi di Yakub i Yusup do rasuk dit anaaru, dit olumis kopio.

Om soira'ddi di noilaan di piro-piro o tobpinai di Yusup, do poinggayo-gayo o kosianan di Yakub dot id di Yusup ko' mantad dot id diyolo', om karaatai noddi iyolo' di Yusup, i tobpinai diyolo'ddi, gisom dot a' no osonong-sonong o koboro-boroso' diyolo' dot id di Yusup.

Om pongipi po kawagu i Yusup. Om sunudai no di Yusup i piro-piro o tobpinai dau di nipi dau, boros ka dau, “Haro po kawagu o nipi ku, do nokito ku nogi' o tadau om tulan om hopod om iso' o rombituon do tuminuku' dot id doho',” ka dau.

Om osolon ngai' diri di Yusup i tobpinai dau, nga' iri nopo tapa' di Yusup om momusorou kasai' i' do pasal di nipi'ddi.

Boros ka di Yusup dot id diyolo', “Pokinongou kou pogi' diti nipi ku! Nokoipi oku do hilo' ngai' toko' nogid dumo do momongkos di gandum om ingkakat no nogi' i doho'd winongkos dot orindog tomod. Om iri no i dokoyu'd winongkos om tuminutuk nogi' di doho'd winongkos, om tuku' ngai' nogiddi do hiri'd doho'd winongkos,” ka dau.

Kainou maai toko' iyau patayo', om pataamon toko' nogindo o tinan dau dot id torobong di narasakan. Om poboroson toko' nopondo do numaan iyau patayo' do nintorusan dot orongit. Intangan toko' nogindo ondung nunu poo o kootuson di nipi dau,” ka diyolo'.

Om soira'ddi do tuminalib o piro-piro di tulun do Midian di mongingindapu' om ngoyo' no di piro-piro o tobpinai di Yusup gayato' i Yusup do pinoposoliwan do mantad hiri'd suang di torobong. Om padagango' no diyolo' i Yusup dot id tulun dot Ismail diri, om pokianu no iyolo' do duwo nohopod o kaping do pirok do gatang dau. Om tanggayai no di tulun dot Ismail i Yusup do kuminaa do hilo'd Masir.

Om boros ka diyolo' do mogiboro-boros, “Ontong pogi', nga' rumikot nod hiti ilo mongingipi.

Osodu' po i Yusup om kokito no iyau di piro-piro o tobpinai dau, om tontok dit a' po i Yusup nakarapou diyolo', om nokopogipapakat no iyolo' do sumaap om mamatai di Yusup.

“Pataamon toko' nopo iyau do hiti'd torobong dit aiso' o waig do hiti'd tana' do kowotuan, nga' kada' toko' i' kopio pokorualai iyau,” ka dau. Kinapamarasan nopo di Rubin do miagal diri nga' osorou i' dau do ngoyon indo dau poiduwo' i Yusup, om suhuon nogindo dau do gumuli' do hilo'd tapa' dau.