Populaire Bijbelverzen uit KINAWANSAYAN 3

Delen

Om kokito no di tondu' dot olumis i' i guas do kayu'ddi, om i tua' nga' osonong i' kopio dot akanon. Om pomusorou noddi iyau dot osonong i' kopio dot osiliu do tulun di kitoilaan. Om pongupu' noddi iyau di tua' om akano' no dau. Om onuwai noddi dau i sawo dau om iri'ddi sawo dau nga' minangakan i'.

Id pogialatan nopo do nintorusan di winonsoi do TUHAN, i Kinorohingan om iri no i tulanut ot obilut kopio. Om uhoto' no di tulanut i tondu' do poingkaa, “Noduhan kou no kopio do Kinorohingan do mangakan do tua' do koinsanai diti kayu do hiti'd kabun?” ka dau.

Pitogodon ku nondo iyokoyu di tondu'; misangod kasai' nopondo i sinakagon nu om i sinakagon di tondu'. Om babakon nondo di sinakagon di tondu' o tulu nu, om kutukan di sinakagon nu o tatad diyolo',” ka dau.

Om boros ka do Kinorohingan dot id tondu' diri, “Ruhangan ku nondo o koinggoriton nu do maso do monontian, om ruhangan ku o koinggoritan nu do mogkosusu. Nga' mulong piya do miagal diri nga' orohian kasai' ko i' di sawo nu, om minsiriba' ko po dot id dau,” ka dau.

Om kototos ko po do morobuat do gisom do koulai o lasu' nu, om koihum ko nogi' do kaakan-akanan nu. Om iyo ko no kasai'ddi do gisom do koguli' ko kawagu do hilo'd tana'; tu' tana' ko i' do winonsoi. Tana' ko i' do winonsoi, om sumiliu ko indo kawagu do tana',” ka dau.

Om boros ka do Kinorohingan dot id kusai'ddi, “Minokinongou ko di boros di sawo nu om minangakan ko di tua' di pinogoduhan ku diya' do mangakan. Om iri no i winonsoi nu'ddi o kousung-usung dilo tana'. Om solinaid nu nopondo do poimpasi om a' no milo dot a' ko monotos do morobuat om koihum ko nogi' do kaakan-akanan di kabagal nu.

Om uhoto' noddi iyau do Kinorohingan do poingkaa, “Isai o minomisunud diya' do poillabas ko? Minangakan ko di tua' di pinogoduhan ku diya' do mangakan?” ka dau.

Om hiri nopod ponong id koulayon di Kabun dot Idon, om pinoundarangan do Kinorohingan do piro-piro o moloikat di roitan do kerub om pinoundarangan dau dot iso' o gayang di kitapui do miwor-hiwor nopo do mangantob dot isai nopo o tulun, om aiso' indo o koinsomok di kayu di manahak do koposion.

Om pungaranai no di Adam i sawo dau dot i Hawa, tu' iyau no o tina' do koinsanai do tulun.