Populaire Bijbelverzen uit Proverbios 15

Ti tsjate̱hé nkojína la tso̱ntá ti kjuanínkaon; a̱ndá ti jie̱he tsjate̱hé la a̱ntsí tsꞌánkí ti kjuanínkaon.

Ti nkexro tsjikosáyehe Itꞌéni Díos la Itꞌéni Díos tsjajon ti kjuaxrexinkaon jína, la ko ti nkexro tjinkaon tsꞌáyéhe̱ ti kjuasàya la tichánxi̱n sinchejiéhya a̱sén sin.

Ti nixja chojni itan tjajon kjuaxróxin mé éxi ti inta yoa tjajon kjuachón; a̱ndá ti nkexro jie̱he nixja la nchekꞌává chojni.

Ti kohya nkexro tsjajon kjuaxrexinkaon jína la xitjahya jína tso̱hen ixra̱; a̱ndá ti siín itsjé chojni tjajon kjuaxrexinkaon jína la jína tso̱hen ti ixra̱.

Ti ijnko a̱sén chojni chéhe̱ la tꞌikoni ti nkayakon sin; a̱ndá ti nóaxi̱n tjejó sin la tꞌikoni kixin tꞌává sin.

Itꞌéni Díos la nkuíxín tjetsjehe chꞌan; tꞌikon chꞌan nkehe ichꞌe ti sin jínahña la ko ti sin jína.

Ícha jína chróchóntahyani itsjé nkehe la chrókjuikosáyeheni Itꞌéni Díos, ke chróchóntani itsjé nkehe tjete landá kjuaxróxinhña chrókꞌuejóni.

Ti chojni tjoka tónínkaon la xra̱hya tjasin kjuanínkaon; a̱ndá ti nkexro tjokahya tónínkaon la nkochríxín kjuaxróxin tjejó.

A̱sén ti chojni ndoá tjejó la tjenka̱yáxin ti nkehe jína tsonixja; a̱ndá irꞌua ti chojni jínahña la chji̱ñé nixja sin ti nkehe jínahña.