Populaire Bijbelverzen uit Efesios 6

Delen

Kixin jeheni la tjajo̱nkohñani chojni chónta into la ko hueso. Náhí. Jeheni la tjajo̱nkoni ti ncha̱kuén jínahña chónta kjuachaxin chrínkí nka̱jní la ko ti chjasintajni sítie.

Chrokui̱to̱éhyara chrónixjehéra Díos; nkochríxín chróchronoéhéra chꞌan la ko chrókjuanchatóxixínra ti Ncha̱kuén chꞌan kixin tsjínki̱tsara chꞌan. Chrokꞌóxrjéhyara chrókꞌuejotsjehera chrónixjehéra Díos kixin tsjinki̱tsa kaín ti sin tinkáchónki ti jehe chꞌan.

Mé xi̱kaha a̱ntsí chrókjuéyára ti kjuachaxin kuènté Díos éxi ijnko ika chrókꞌuinka̱yára, kixin chaxín ndoá chrókꞌuejora kixin chrókuitekákonhñara ti kjuachꞌia kuènté ti Jínahña.

Méxra̱ chrókuákjára kaín ti kjuachaxin kuènté Díos kixin chrókjuachara ti itsi ti kjuaxróxinhña, la ti ó tsjixin tsjajo̱nkoára ti Jínahña ndá chaxín chrókóxakohanra chrókꞌuejotsjehera jína.

Tíha la a̱ntsí tjetoan kixin kaínra chrókóxakohanra chrókuinkachónkira Ìnchéni chaxín. Tíha la éxi ti chika chónta ti soldado ti itjakjon kixin tsꞌinkákonhe̱n ti flecha síchrꞌákjen xrohi kuènté ti Jínahña. *Chrokuákjára ti kjuachón éxi ijnko kásko̱ tjasin chojni kixin kohya nkehe tso̱hen ti ikja, la ko tjetoan chrókuitekáonra ti itén Díos, kixin tíhi la éxi ijnko chika espada tsíkjajon Ncha̱kuén Díos, kꞌuayéhéra.

*Chaxín ndoá chrókꞌuejora chrókuitekáonra ti itan chaxín kixin tíha tsꞌayakohanra éxi ti tjo̱a̱ tꞌinkatꞌóxin ijnko soldado, la ko jína chrókꞌuejora la tíha chrókuaáxinra éxi ijnko soldado tsíkꞌinkáya ijnko ika tsíkꞌónaxín chika. *Chrokóyaxíhanra chróchro̱nkara ti itan náxrjón tjajon kjuaxróxin éxi ijnko soldado tóxakohen tsjanka to̱tjo̱é mé xi̱kaha chrókóxakohanra.

A̱ndá ijie kíchóni, chrókjui̱nchefuerte a̱sánra, kixin chóntani ti kjuachaxin ijié kuènté Cristo.

*Tíhi mé ti nkehe sa̱oxín tsíkꞌe̱to̱an Díos kixin tsoxiteyá ndá tsjinki̱tsa chꞌan ti jeheni, mé ndáchro: “Chrokjuíkosáyehéra itꞌára la ko ìnára, ndá xi̱kaha tso̱cháhara la ko itsjé ña̱o na̱xa̱ chrókꞌuejora ntihi chjasintajni.”

*A̱ndá jahara chájan chrókuitekákohénra itꞌára la ko ìnára, kixin xi̱kaha tjinkaon Ìnchéni kixin tíha mé ijnko nkehe jína.