Populaire Bijbelverzen uit 2 Timoteo 1

Delen

Díos la kjuajonhña chꞌan Ncha̱kuén chꞌan kixin tsochrakoni. Náhí. Kjuajon chꞌan kixin tsochóntani kjuachaxin, la tso̱tjue̱heni kíchóni la ko jína tsjenka̱yáxini.

Díos kuaáxini la ko kjueyá chꞌan ti jeheni kixin tjóá chrókꞌuejóni. La jehya ti ixra̱ jína chrókjuíchꞌeni ndá chrókuaáni. Náhí. Díos imá tjue̱he ti jeheni la kjueyá chꞌan ti jeheni kixin tsinkáchónkini Jesucristo. Kixin ti na̱xa̱ kꞌónahña chjasintajni la tsíkjenka̱yáxin chꞌan xi̱kaha tso̱hen.

Méxra̱ nta̱xraxinkaoan kixin chrókꞌuitjáñahña ti kjuachaxin kjuajon Díos kꞌuayéhé ti ó kjuákꞌetja tjaná ti ikjá.

Méxra̱ chrókósuàhya chróchro̱nka kixin tinkachónkia Ìnchéni la ko kja̱xin chrókósuàhya kixin tjéchji̱na kixin xrja̱nká ti itén chꞌan. Kjónté chrókjuasótia la chrókjuàkua ti itan tsaáxini kixin ó kꞌuayéhé ti kjuachaxin kjuajon Díos.

Mé xi̱kaha tjétjasótexián kaín tíhi, la tósuànahña kixin choxián jína ti nkexro tinkachónkia janhan. La ó nona kixin Ìnchéni chónta kjuachaxin tsꞌayakohen ti jeheni hasta tsjixrakájña ti ña̱o tsokjan chꞌan. Méxra̱ tja̱ha̱ chꞌan a̱sená kixin tsꞌayakohen chꞌan.