Populaire Bijbelverzen uit Máciya 19

Delen

Yéesu li ajukeliil, ban li aaniil: — Li bukanabuku, an ayilaat afakenoolo, bale bajut wah waheeke Ateemit kakaan.

Min lako muñeˈe kulet bukan kúl̥uba, bale an ano. Kama jakum an ayiis bukan kan Ateemit áginnoole.

Yéesu li aaniil: — Kama jijangawut Hulimahu hata Ateemit haanumuu «Li húkitumahu, Ateemit láwuwenwuwen ánayine li anaale?» Ban li aan «Wahawu unwu újimuu ánayinaawu fan áfu’ bata atuubawool li jaawool, min ajow kukin li aseekool, min buko kúl̥uba kulaañ kulako an ano?»

Yéesu li aan kúgoomaku: — Jikat bañiilabu min bubil búmbaam. Jakum jíhiliil kubilum. Mata Jáyiiyaju jata Ateemit jata bukanabuku kanokoomuu li buko.

Bale kameeŋe li kútinaalabuku fan kulako kúsola. Kameeŋe li kúsolaabuku fan kulako kútinaa.

Ban an akat bomuu siluufool, mantee kutuyool, mantee kúliinool, mantee atuubawool, mantee jaawool, mantee bañoolool, mantee foof etaamool mata ínje íji, fan abil abaj wahawu unwu feh haŋ to ñoono téemeel, ban foof fan abaj buloŋ bábaneliit.

Yéesu li aanool: — Ufañumuu min ulako an anabe hákil Ateemit, ujow újula wahawu feh wan ubajumuu, min uŋa’ sídalamasu ugaben esukateenayi. Fan ubaj hubaj li emitayi. Banumuu, li ubil únabul lí ínje.

Yéesu li aanool: — Wáa újiye li ugel̥l̥enom mata wah wajake? An ano bale ajake. Ufañumuu min unoken li buloŋabu bábaneliitumuu, ukaan loon eluwaayi yata Móyiis elobumuu.

Boot min ilaañen eenuul, séngisengi min eñonkom énokenum li ésuuh yata ekikum, bale haŋ másengi ŋáa’ min usaanum unoken li Jáyiiyaju jata Ateemit.

Bale ínje fan eenuul, ánayine aanumuu aseekool ábalo, ban lakowut anaalaawu ánayine akee ahintenool, min áyabul anaale akee, ánayinaawu ummu lahintenhinten anaale alet oola.

Yéesu li aan kúgoomaku koola: — Li mal̥egenamu fan ilobuul, séngisengi ŋáa’ min usaanum unoken li Jáyiiyaju jata Ateemit.