Populaire Bijbelverzen uit Klei Mphŭn Dơ̆ng 17

Delen

Tơdah Y-Abram mâo dua păn pluh dua păn thŭn, Khua Yang bi êdah kơ Y-Abram, lač kơ ñu, “Kâo jing Aê Diê Pô Mâo Jih Klei Myang. Êbat bĕ ti anăp Kâo leh anăn brei ih jing pô amâo mâo klei arăng dưi ƀuah ôh.

Arăng amâo srăng lŏ pia anăn ih Y-Abram ôh, ƀiădah anăn ih srăng jing Y-Abraham; kyuadah Kâo mjing ih leh ama kơ lu phung găp djuê mnuih.

Kâo srăng bi kjăp klei bi mguôp Kâo hŏng ih leh anăn hŏng phung anak čô ih kơ êdei hlăm jih jang ênuk diñu, jing klei bi mguôp hlŏng lar, čiăng jing Aê Diê kơ ih leh anăn kơ phung anak čô ih kơ êdei.

“Nĕ anei, klei bi mguôp Kâo ngă hŏng ih, ih srăng jing ama kơ lu phung găp djuê mnuih.

Aê Diê lač, “Hơăi, ƀiădah H'Sara mô̆ ih srăng kkiêng sa čô anak êkei kơ ih, leh anăn brei ih bi anăn ñu Y-Isăk; Kâo srăng bi kjăp klei Kâo bi mguôp hŏng ñu jing klei bi mguôp hlŏng lar kơ phung anak čô ñu kơ êdei.

Jih čar Kanaan ih dôk ară anei, Kâo srăng brei kơ ih leh anăn kơ phung anak čô ih kơ êdei, srăng jing dŏ diñu hlŏng lar; leh anăn Kâo srăng jing Aê Diê diñu.”

Leh anăn Y-Abraham kŭp ƀô̆ ti lăn. Ñu tlao, lač hlăm ai tiê ñu, “Dưi mơ̆ sa čô êkei mâo leh sa êtuh thŭn kkiêng sa čô anak? Dưi mơ̆ H'Sara ba tian, pô mâo leh dua păn pluh thŭn?”

Aê Diê lač kơ Y-Abraham, “Bi kơ H'Sarai mô̆ ih, ih amâo srăng lŏ pia anăn ñu H'Sarai ôh, ƀiădah anăn ñu srăng jing H'Sara.

Brei diih khăt klĭt ti êdŭk dŏ mơiêk êkei diih, leh anăn klei anăn srăng jing klei bi knăl kơ klei bi mguôp Kâo hŏng diih.

Ƀiădah klei Kâo bi mguôp, Kâo srăng bi kjăp hŏng Y-Isăk, pô H'Sara srăng kkiêng kơ ih hlăm yan anei thŭn êdei.”

Brei diih khăt klĭt kơ grăp čô êkei ti hruê tal sa păn leh kkiêng kơ ñu. Brei diih ngă klei anei hlăm jih jang ênuk, đơ phung kkiêng hlăm sang, amâodah đơ phung arăng blei hŏng prăk mơ̆ng phung tue amâo jing anak ih pô ôh. Arăng srăng khăt klĭt hlei pô kkiêng hlăm sang ih leh anăn hlei pô arăng blei hŏng prăk. Snăn klei Kâo bi mguôp srăng bi êdah hlăm asei mlei ih jing klei bi mguôp hlŏng lar.