Populaire Bijbelverzen uit Klei Mphŭn Dơ̆ng 11

Delen

Khua Yang lač, “Nĕ anei, diñu jing sa phung ƀuôn sang leh anăn diñu mâo sa mta klei blŭ. Anei jing knŏng kčưm kơ bruă diñu srăng ngă. Snăn amâo sui ôh diñu srăng dưi ngă jih jang bruă diñu mĭn čiăng ngă. Bơ Drei, brei Drei trŭn leh anăn bi lŭk klei diñu blŭ, čiăng kơ diñu amâo dưi thâo săng ôh klei diñu blŭ hdơ̆ng diñu.”

Diñu lač, “Bơ drei, brei drei ngă sa boh ƀuôn prŏng, leh anăn sa boh sang êñan, kŏ ñu sô̆ ti adiê. Brei drei duah klei hing ang, huĭdah drei srăng klah đuĕ hiu tar ƀar lăn ala.”

Kyuanăn arăng bi anăn ƀuôn prŏng anăn Ƀaƀel, kyuadah tinăn yơh Khua Yang bi lŭk klei blŭ phung lăn ala. Leh anăn mơ̆ng anăn yơh Khua Yang bi bra đuĕ hĕ diñu mdê mdê tar ƀar ti rŏng lăn ala.

Hlăk anăn jih jang lăn ala mâo knŏng sa mta klei blŭ leh anăn boh blŭ msĕ.

Khua Yang trŭn čiăng dlăng ƀuôn leh anăn sang êñan phung anak mnuih mdơ̆ng leh.

Snăn Khua Yang bi bra đuĕ diñu mdê mdê ti rŏng lăn ala, leh anăn diñu lui hĕ klei mdơ̆ng ƀuôn prŏng anăn.