Populaire Bijbelverzen uit Galuega 17

Delen

‘Ina ‘ia sā‘ili i latou i le Ali‘i, pe mafai ‘ona tautagotago atu i latou ma iloa o ia. Peita‘i, e lē mamao o ia ma i tatou ta‘ito‘atasi

‘Ua faia fo‘i e ia nu‘u uma mai le tagata e to‘atasi, ia nonofo i le fogā‘ele‘ele uma lava, ma ‘ua tu‘u fo‘i e ia taimi e pei ‘ona tofia mai anamua, ‘atoa ma tuā‘oi o mea e nonofo ai i latou.

O le Atua na faia le lalolagi ma mea uma lava o i ai; o le Ali‘i o ia o le lagi ma le lalolagi; e lē afio o ia i malumalu e faia e lima

auā ‘ua fuafuaina e ia le aso e fa‘amasinoina ai le lalolagi i le amiotonu e le tagata ‘ua filifilia; ‘ua fa‘amaonia mai fo‘i e ia lenei mea i tagata uma lava, i lona toe fa‘atūina mai o ia nai ē ‘ua oti.”

O lea, ‘ona o i tatou o le fānau a le Atua, e lē tatau ai ‘ona tatou manatu e tutusa le Atua ma se auro, po o se siliva, po o se ma‘a, po o se mea o lo‘o fa‘aalia mai ai le poto ma le mafaufau o le tagata.