Populaire Bijbelverzen uit Mātaio 18

Delen

I te ngā'i e putuputu ei e rua, mē kāre ra, e toru nō tōku nei ingoa, tei reira au i rotopū i a rātou.”

“E karanga 'aka'ou atu au ki a kōtou: Mē 'akatika e tokorua o kōtou i te 'enua nei nō tēta'i 'ua atu mea tā rāua ka pati, e 'ōronga'ia mai ia e taku Metua i te ao ra.

Kua kāpiki atura a Iēsū i tēta'i tamaiti iti, ē kua tuku atura i aia ki rotopū i a rātou, ē kua nā kō atura, “Koia mou tāku e karanga atu ki a kōtou na, kia kore roa kōtou e taui i a kōtou ē kia riro mai mei te au tamariki rikiriki ra, kāre rava kōtou e tomo ki roto i te bāsileia o te ao ra.

Ē nō reira, ko tei tā'aka'aka i aia 'ua'orāi mei tēianei tamaiti iti, ko tēia i reira tei ma'ata atu i roto i te bāsileia o te ao ra.

Ē ko tēta'i 'ua atu tei 'āriki mai i tēta'i tamaiti iti mei tēianei rāi nō tōku nei ingoa, kua 'āriki mai ia i āku.”

“Koia mou tāku e karanga atu ki a kōtou na: tā kōtou 'ua atu e 'akatinamou i te 'enua nei, kua oti takere 'oki i te 'akatinamou'ia i te ao ra, ē tā kōtou 'ua atu e tuku i te 'enua nei, kua oti takere 'oki i te tuku'ia i runga i te ao ra.

“Ka 'akapērā katoa mai taku Metua i te ao ra i a kōtou kia kore kōtou tātakita'i e 'akakore i te au 'apa a tō au taeake mei roto tikāi mai i tō kōtou au ngākau.”

“Kāreka rā, ko tēta'i 'ua atu tei 'akatārevakē i tēta'i o tēianei au tangata rikiriki e 'irinaki mai nei i āku, 'e ngari ake aia kia rī'ia tēta'i toka tāviri'anga ma'ata ki runga i tōna kakī, ē kia 'akamaremo'ia atu aia ki te 'ō'onu'anga o te moana.

“'E a'a tō kōtou manako? Mei te mea ē, 'e 'okota'i 'ānere māmoe tā tēta'i 'ua atu tangata, ē kia 'aere kē tēta'i o rātou ra, kāre āina aia e vao'o i te iva nga'uru mā iva ki runga i te maunga ra, ka 'aere ei ka kimi i te mea tei 'aere kē ra?