BibleProject | जर्नी थ्रु लुक एण्ड एक्ट्सनमूना

लूकाले हामीलाई भन्छन कि येशूले शहरहरू र गाउँहरूमा परमेश्वरको राज्यको घोषणा गर्न शुरु गर्नुहुन्छ। तर एउटा पक्का राजाको शाही राजदूतसँग यात्रा गर्नुको सट्टा येशू आफूले चुन्नुभएको निम्न वर्गका टोलीसँग बाह्र जना र उहाँले निको पार्नुभएका र छुट्कारा दिनुभएका केहि महिलाहरूको साथमा यात्रा गर्नुहुन्छ। अनि येशूका साथीहरू केवल सहयात्री मात्र होइनन; तिनीहरु सहभागीहरू थिए। तिनीहरू जसले येशुको सुसमाचार, छुटकारा, र चंगाई प्राप्त गरे ती तिनीहरू नै थिए जसले यो एक शहरदेखि अर्कोमा सुनाए। 

तिनीहरुका यात्राहरु पूर्ण रोमाञ्चक अनुभवहरूले भरिएको छ। येशू समुद्री आँधीलाई शान्त पार्नुहुन्छ, हजारौं प्रेतहरूबाट एक मानिसलाई मुक्त गर्नुहुन्छ, बाह्र वर्षसम्म पीडित एउटी स्त्रीलाई निको पार्नुहुन्छ, बाह्र वर्षकी केटीलाई मृतकबाट ब्यूँताउनुहुन्छ र हजारौं मानिसहरूलाई भोजन दिनुहुन्छ - सबैले खाए पछि, तिनीहरूले उब्रेकोलाई बाह्र टोकरीमा भर्छन्!

जब तपाईंले आजको खण्ड पढ्नुहुन्छ, तब कसरी लूकाले ""बाह्र"" शब्द धेरै पटक दोहोराएका छन् , त्यो ध्यान दिनुहोस्। याद गर्नुहोस्, येशुले नियतवश नै बाह्र चेलाहरूको छनौट इस्राएलका बाह्र कुलहरूको सुधार गर्नलाई नियुक्त गर्नुभएको हो। लूका यस तथ्यलाई प्रकाश पार्न चाहन्छन्, त्यसैले उनले आफ्नो सुसमाचारको पुस्तकमा ""बाह्र"" शब्द बाह्र पटक दोहोराउँछन।। प्रत्येक पल्ट जब उनले यो शब्द प्रयोग गर्छन, उनले अर्को तरिकाबाट देखाउँदैछन् कि येशूले इस्राएलको बाह्र कुललाई र इस्राएल मार्फत सारा विश्वलाई उद्धार गर्दै हुनुहुन्छ। 

परमेश्वरले प्रतिज्ञा गर्नुभयो कि इस्राएलको बाह्र कुलबाट सबै जातीले आशिष पाउनेछन र परमेश्वरले इस्राएललाई सबै जातिहरूका निम्ति ज्योति हुन बोलाउनु भयो। इस्राएलीहरू आफ्नो कर्तव्यमा असफल भए तर परमेश्वर आफ्ना प्रतिज्ञाहरू पूरा गर्न विश्वासयोग्य हुनुहुन्छ। जब येशुले उहाँको नयाँ बाह्र जना चेलालाई परमेश्वरको राज्य घोषणा गर्न बाहिर पठाउनुहुन्छ तब यसरी उहाँले इस्राएलले पाएको बोलावटलाई पुनर्स्थापना गर्नुहुन्छ।