भजनसंग्रह 97:1-6
भजनसंग्रह 97:1-6 नेपाली नयाँ संशोधित संस्करण (NNRV)
परमप्रभुले राज्य गर्नुहुन्छ, पृथ्वी हर्षित होस्, टाढ़ाका किनार-किनारहरू पनि आनन्दित होऊन्। उहाँको वरिपरि बादल र घोर अन्धकार छन्, धार्मिकता र न्याय उहाँको सिंहासनका जग हुन्। उहाँको अगिअगि आगो जान्छ, र उहाँको चारैपट्टिका विरोधीहरूलाई भस्म पार्छ। उहाँको बिजुलीले संसारलाई प्रकाशित पार्छ, पृथ्वीले देख्छ र थरथरी काम्छ। परमप्रभुको सामुन्ने पर्वतहरू मैनझैँ पग्लन्छन्, सारा पृथ्वीका स्वामीको सामुन्ने। स्वर्गले उहाँका धार्मिकताको घोषणा गर्दछ, सबै मानिसहरूले उहाँका महिमाको दर्शन गर्छन्।
भजनसंग्रह 97:1-6 पवित्र बाइबल, नेपाली समकालीन संस्करण (NCV)
याहवेहले राज्य गर्नुहुन्छ, पृथ्वी रमाओस्; टाढाका समुद्री तटहरू पनि आनन्दित होऊन्। उहाँको वरिपरि बादल र बाक्लो अन्धकार छाएको छ; धार्मिकता र न्याय उहाँका सिंहासनका जग हुन्। आगो उहाँको अगि-अगि जान्छ, र उहाँका वरिपरि रहेका वैरीहरूलाई भस्म पार्छ। उहाँका बिजुलीले संसारलाई उज्यालो पार्दछ; पृथ्वीले यो देख्दछ, र थरथरी काम्दछ। याहवेहको सामु, पर्वतहरू मैनझैँ पग्लन्छन्, उहाँको सामु, जो सारा पृथ्वीका प्रभु हुनुहुन्छ। स्वर्गले उहाँका धार्मिकताको घोषणा गर्दछ, र समस्त जातिहरूले उहाँका महिमा देख्नेछन्।
भजनसंग्रह 97:1-6 पवित्र बाइबल (NERV)
परमप्रभुले राज गर्नु हुन्छ र पृथ्वी खुशी हो। सबै सुदूरतिरका देशहरू खुशी हुन्छन्। बाक्लो बादलहरूले परमप्रभुलाई घेरी राखेको छ। धर्म र न्यायले यस राज्यलाई बलियो बनाउँदछ। परमप्रभुको सामुन्नेबाट एउटा आकाश जाँदछ, अनि उहाँका शत्रुहरूलाई नाश गर्दछ। उहाँको बिजुली आकाशमा झलाक-झिलिक चम्किन्छ। मानिसहरू यसलाई देख्छन् र डराउँछन्। परमप्रभुको, समक्ष पर्वतहरू मैन जस्तो पग्लन्छन्, सारा पृथ्वीका स्वामीको सामुन्ने। हे आकाश, उहाँको धार्मिकताको बारे बताऊ। ताकि परमेश्वरको महिमा सारा मानिसहरूले देखुन्।
भजनसंग्रह 97:1-6 सरल नेपाली पवित्र बाइबल (सरल नेपाली)
परमप्रभु राजा हुनुहुन्छ! हे पृथ्वी, आनन्द गर! समुद्रका टापुहरू, तिमीहरू रमाओ! बादल र अन्धकारले उहाँलाई घेरेका छन्; उहाँले धार्मिकता र न्यायसित राज्य गर्नुहुन्छ। उहाँको अघि आगो जाँदै छ र चारैपट्टिका उहाँका शत्रुहरूलाई भस्म पार्दछ। उहाँको बिजुली चम्केकोले पृथ्वी उज्यालो हुँदछ, त्यो पृथ्वीले देखेर थरथरी हुँदछ। परमप्रभुको अघि, सारा पृथ्वीका प्रभुको अघि पहाडहरू मैनजस्तै पग्लेर जान्छन्। आकाशले उहाँको धार्मिकता प्रचार गर्दछ र सबै जातिहरूले उहाँको महिमा देख्दछन्।