भजनसंग्रह 128:1-6
भजनसंग्रह 128:1-6 नेपाली नयाँ संशोधित संस्करण (NNRV)
परमप्रभुको भय मान्नेहरू सबै धन्यका हुन्, जो उहाँका इच्छाअनुसारका चालहरूमा चल्छन्। तिमीले आफ्नो परिश्रमको फल खानेछौ, आशिष् र सब किसिमका फलिफाप तिमीले पाउनेछौ। तिम्री पत्नी तिम्रो घरभित्र फलवन्त दाखको लताजस्तै, अनि तिम्रा छोरा-छोरीहरू तिम्रो टेबिलको वरिपरि जैतूनका मुनाहरूजस्तै हुनेछन्। यसरी परमेश्वरको भय मान्ने मानिस आशिषित हुनेछ। परमप्रभुले तिम्रो जीवनभर सियोनबाट तिमीलाई आशीर्वाद देऊन्। तिमीले यरूशलेमको समृद्धि देख्न पाओस्, र तिमीले तिम्रा नाति-पनातिलाई देख्न पाऊ। इस्राएलमा शान्ति आओस्।
भजनसंग्रह 128:1-6 पवित्र बाइबल, नेपाली समकालीन संस्करण (NCV)
याहवेहको भय मान्नेहरू र उहाँमा आज्ञाकारी भएर हिँड्नेहरू सबै धन्यका हुन्। तिमीले आफ्ना परिश्रमको कमाइ खानेछौ; भलाइ र समृद्धि तिम्रा हुनेछन्। तिम्रो घरमा तिम्री पत्नी फलवन्त दाखको बोटझैँ हुनेछिन्; र तिम्रा छोराछोरीहरू तिम्रो टेबुलको वरिपरि जैतुनका मुनाहरूजस्तै हुनेछन्। हो, याहवेहको भय मान्ने जन यसरी नै आशिषित हुनेछ। याहवेहले तिमीलाई सियोनबाट आशिष् देऊन्; तिम्रो जीवनभरि नै तिमीले यरूशलेमको समृद्धि देख्नेछौ। तिमी आफ्ना नातिनातिनाहरूलाई देख्ने गरी बाँच— इस्राएलमाथि शान्ति रहोस्!
भजनसंग्रह 128:1-6 पवित्र बाइबल (NERV)
परमप्रभुको सबै भक्तजनहरू खुशी छन्। ती मानिसहरू परमप्रभुले रूचाएको तरिकामा बस्दछन्। तिमीले गरेको कार्यको निम्ति तिमी खुशी हुनेछौ। तिमी खुशी हुनेछौ, अनि हितकारी कुराहरू तिमी तिर घट्नेछन्। घरमा, तिम्री पत्नी अङ्गुरको विरूवा जस्तो फलदायक हुनेछ। तिम्रा छोरा-छोरीहरू टेबल वरिपरि, तिमीले रोपेको फलदायक जैतूनको झ्याङ्गहरू झैं हुनेछन्। परमप्रभुले आफ्ना भक्तजनहरूलाई यस्तै प्रकारले साँच्चो रूपमा आशीर्वाद दिनुहुनेछ। सियोनबाट परमप्रभुले तिमीलाई आशीर्वाद दिऊन्। तिमीहरूको जीवनभरि यरूशलेममा आशीर्वादको आनन्द उपभोग गर्न सक। अनि भरोसा गर्दछु कि तिमीहरू आफ्ना नाति-पनातिहरू जन्मरून्जेल सम्म बाँच्नेछौ।
भजनसंग्रह 128:1-6 सरल नेपाली पवित्र बाइबल (सरल नेपाली)
ज-जसले परमप्रभुका आज्ञा मान्दछन् र उहाँका आज्ञाअनुसार जिउँछन्, तिनीहरू खुसी रहन्छन्। तिम्रा हातका कमाइ सबै खाँचोहरूको लागि पुग्दो हुनेछ, तिमीलाई आनन्द र फलिफाप हुनेछ। तिम्रा घरमा तिम्री पत्नी फल दिने अङ्गुरको बोटजस्तै हुनेछिन् र तिम्रा टेबिलका चारैतिर तिम्रा छोरा-छोरीहरू कलिला भद्राक्षका मुनाझैँ हुनेछन्। परमप्रभुको आज्ञा मान्ने मानिसले साँच्चै यस्तै आशिष् पाउनेछ। परमप्रभुले तिमीलाई सियोनबाट आशिष् देऊन्! जीवनभरि तिमीले यरूशलेमले उन्नति गरेको देख्न पाउनेछौ! तिमीले आफ्ना नाति-नातिनीहरू देख्न पाउनेछौ! इस्राएलमा शान्ति रहोस्!