भजनसंग्रह 101:1-4
भजनसंग्रह 101:1-4 नेपाली नयाँ संशोधित संस्करण (NNRV)
म तपाईंको प्रेम र न्यायको गीत गाउनेछु, हे परमप्रभु, म तपाईंको प्रशंसा गाउनेछु। म निर्दोष जीवन बिताउनलाई होशियार रहनेछु। तपाईं मकहाँ कहिले आउनुहुने? म आफ्नो घरभित्र शुद्ध आचरणको जीवन बिताउनेछु। मेरो आँखाको सामुन्ने कुनै नीच कुरा म राख्नेछैनँ। पथभ्रष्ट भएकाहरूका कामलाई म घृणा गर्छु, तिनीहरू मसित टाँसिनेछैनन्। कुटिल मति भएका मानिसहरूबाट म टाढ़ा रहनेछु। कुनै खराबी कामसित म केही सम्बन्ध राख्नेछैनँ।
भजनसंग्रह 101:1-4 पवित्र बाइबल, नेपाली समकालीन संस्करण (NCV)
म तपाईंको अचुक प्रेम र न्यायको गीत गाउनेछु; हे याहवेह, म तपाईंको प्रशंसा गाउनेछु। म निर्दोष जीवन बिताउनलाई होसियार रहनेछु, तपाईं मकहाँ कहिले आउनुहुनेछ? म निर्दोष हृदय लिएर आफ्नो घरको कामकाज गर्नेछु। म आफ्नो आँखाहरू अगि कुनै पनि अनुचित कुराहरू राख्नेछैनँ। पथभ्रष्ट भएकाहरूका कामलाई म घृणा गर्छु; यसमा मेरो कुनै सरोकार हुनेछैन। कुटिल हृदय भएकाहरू मबाट टाढा रहनेछन्; दुष्टसँग मेरो कुनै सरोकार रहनेछैन।
भजनसंग्रह 101:1-4 पवित्र बाइबल (NERV)
म प्रेम र निष्पक्ष न्यायको गीत गाउनेछु। परमप्रभु, म तपाईंको निम्ति गाउने छु। म सतर्कतासाथ शुद्ध जीवन जिउनेछु। म मेरो घरमा शुद्ध प्रकारले जिउनेछु। परमप्रभु तपाईं मकहाँ कहिले आउनुहुनेछ? म आफू समक्ष कुनै मूर्तिहरू राख्ने छैन, म त्यस मानिसलाई घृणा गर्नेछु जो तपाईंको विरूद्ध जाँन्छ। म त्यस्तो घृणित कामहरू गर्नेछैन! म ईमान्दार हुनेछु। म दुष्टपूर्ण कामहरू गर्नेछैन।
भजनसंग्रह 101:1-4 सरल नेपाली पवित्र बाइबल (सरल नेपाली)
मेरो भजन भक्ति र न्यायका विषयमा छ र तपाईंको निम्ति म गाउँदछु, हे परमप्रभु! मेरा चालचलन निष्कलङ्क हुनेछन्, कहिले तपाईं मकहाँ आउनुहुनेछ? म आफ्नो घरमा पवित्र जीवन बिताउनेछु, म खराबीलाई कहिल्यै सहनेछैनँ, परमेश्वरदेखि तर्की जानेहरूका काम म घृणा गर्दछु। तिनीहरूसँग मेरो केही सरोकार छैन। म बेइमान हुनेछैनँ र दुष्टसँग केही सम्बन्ध राख्नेछैनँ।