यशैया 28:9-12
यशैया 28:9-12 नेपाली नयाँ संशोधित संस्करण (NNRV)
“त्यसले कसलाई सिकाउन चाहेको छ? कसलाई त्यसले समाचारको अर्थ बुझाउँदैछ? भर्खर दूध छोड़ेका बालकहरूलाई, भर्खर दूधबाट अलग गरिएकाहरूलाई? किनकि यस्तो छ— गरिबस, गरिबस, शासन गर, शासन गर, यहाँ अलिकति, त्यहाँ अलिकति।” त्यसो हो भने, अन्य भाषा र अरू नै बोलीद्वारा परमप्रभु यस प्रजासित बोल्नुहुनेछ, जसलाई उहाँले भन्नुभयो, “विश्राम गर्ने ठाउँ यही हो, थाकेकाहरूले यहीँ नै विश्राम गरून्। अनि आरामको ठाउँ यही हो।” तापनि तिनीहरूले सुन्ने मन गरेनन्।
यशैया 28:9-12 पवित्र बाइबल, नेपाली समकालीन संस्करण (NCV)
“त्यसले कसलाई सिकाउन चाहेको छ? आफ्नो सन्देश कसलाई बयान गरिरहेको छ? भर्खर दूध छोडेका बच्चाहरू, भर्खर स्तनबाट अलग गरिएकाहरूलाई? किनकि त्यो यस्तो हो: यो गर, त्यो गर; यसमाथि नियम, त्यसमाथि नियम, अलिकति यहाँ, अलिकति त्यहाँ।” त्यसो हो भने परमेश्वरले यस जातिसित परदेशीका ओठ र अनौठो भाषाद्वारा बोल्नुहुनेछ; जसलाई उहाँले भन्नुभयो, “विश्रामस्थल यही हो; थाकेकाहरूले यहीँ नै विश्राम गरून्;” अनि “थकाइ मार्ने स्थान यही हो,” तर तिनीहरूले सुन्न इन्कार गरे।
यशैया 28:9-12 पवित्र बाइबल (NERV)
“परमप्रभुले मानिसहरूलाई पाठ सिकाउने कोशिश गरिरहनु भएकोछ। परमप्रभु आफ्ना उपदेशहरू मानिसहरूलाई बुझाउने कोशिश गर्नुहुन्छ। तर मानिसहरू भने बालखै जस्त छन्। तिनीहरू भने केही क्षण अघिबाट मात्र आमाको दूध खान लागे जस्ता छन्। परमप्रभु तिनीहरूसँग नानीहरूसँग बोले जस्तै बोल्नुहुन्छ: “सौ लासौ सौ लासौ, काव लाकाव काव लाकाव, जेईर शाम जेईर शाम” परमप्रभुले यस्तो प्रकारको नयाँ कुरा गर्नुहुन्छ। अनि उहाँले ती मानिसहरू सित बोल्न अन्य भाषाहरू चलाउनु हुन्छ। अतितमा परमप्रभु ती मानिसहरूसित बोल्नु भयो, “यहाँ एउटा आराम गर्ने ठाउँछ। यो शान्तिमय जग्गा हो। थकित मानिस यहाँ आएर बिताउन यो शान्तिको जग्गा हो।” तर मानिसहरूले परमेश्वरको कुरा प्रति ध्यनै दिएनन्।
यशैया 28:9-12 सरल नेपाली पवित्र बाइबल (सरल नेपाली)
तिनीहरूले मेरो बारेमा सुस्केरा लाउँछन्। तिनीहरू भन्छन्, “त्यसले कसलाई के सिकाउँदै छु भनी ठान्छ हँ? कसलाई त्यसको सन्देश चाहिएको छ र? अँ, भर्खरै आमाको दूध छोडेका बालकहरूको लागि भने त्यो ठीकै होला! त्यसले हामीलाई अक्षर-अक्षर, हरफ-हरफ र पाठ-पाठ गरी सिकाउन खोज्छ।” तिमीहरूले मेरा कुरा सुनेनौ भने परमेश्वरले कोही अनौठो भाषा बोल्ने विदेशी ल्याएर तिमीहरूलाई पाठ सिकाउन लाउनुहुनेछ। उहाँले तिमीहरू सबैलाई विश्राम र सुख दिनुभयो। तर तिमीहरूले उहाँका कुरा मानेनौ।